வேலூரில் தேங்காய் ஏலம்

பரமத்தி வேலூா் மின்னனு தேசிய வேளாண்மை சந்தை செவ்வாய்க்கிழமை நடைபெற்ற ஏலத்தில் ரூ. 96 ஆயிரத்துக்கு தேங்காய் ஏலம் போனது.

கடந்த வாரம் செவ்வாய்க்கிழமை நடைபெற்ற ஏலத்துக்கு 1894 கிலோ தேங்காய்களை விவசாயிகள் கொண்டு வந்திருந்தனா். இதில் அதிகபட்சமாக கிலோ ரூ. 28.10-க்கும், குறைந்தபட்சமாக ரூ. 21.19-க்கும், சராசரியாக ரூ. 24-க்கும் ஏலம் போனது. மொத்தம் ரூ. 44 ஆயிரத்து 183-க்கு ஏலம்போனது. செவ்வாய்க்கிழமை நடைபெற்ற ஏலத்துக்கு 4,260 கிலோ தேங்காய்களை விவசாயிகள் ஏலத்துக்கு கொண்டு வந்தனா்.

இதில் அதிகபட்சமாக கிலோ ஒன்று ரூ. 27.50-க்கும், குறைந்தபட்சமாக ரூ. 18-க்கும், சராசரியாக ரூ. 25-க்கும் ஏலம் போனது. மொத்தம் ரூ. 96,155-க்கு ஏலம்போனது.