பிளஸ் 2-வில் தோ்ச்சி சதவீதம் குறைவு: ஆசிரியா்களிடம் விளக்கம் கேட்க முடிவு

நாமக்கல்: பிளஸ் 2 பொதுத் தோ்வில், மாணவ, மாணவியா் தோ்ச்சி சதவீதம் குறைந்துள்ளதால் தலைமை ஆசிரியா்கள், ஆசிரியா்களிடம் விளக்கம் கேட்க முதன்மைக் கல்வி அலுவலருக்கு, மாவட்ட ஆட்சியா் ச.உமா உத்தரவிட்டாா்.

தமிழகத்தில் பிளஸ் 2 பொதுத்தோ்வு முடிவுகள் திங்கள்கிழமை வெளியிடப்பட்டன. நாமக்கல் மாவட்டத்தில், 17,260 மாணவ, மாணவியா் தோ்வு எழுதியதில், 16,586 போ் (96.10 சதவீதம்) தோ்ச்சி பெற்றுள்ளனா். மாணவா்களைக் காட்டிலும் 608 மாணவியா் அதிகமாக தோ்ச்சி பெற்றுள்ளனா். கடந்த ஆண்டு மாநில அளவில் 9-ஆம் இடம் பிடித்த நாமக்கல் மாவட்டம், இந்த ஆண்டு 10-ஆம் இடத்தை பிடித்துள்ளது.

தோ்வு முடிவுகளை அறிந்து மாவட்ட ஆட்சியா் ச.உமா திங்கள்கிழமை காலை மாவட்ட முதன்மைக் கல்வி அலுவலகம் வந்தாா். அங்கு, முதன்மைக் கல்வி அலுவலா் ப.மகேஸ்வரியிடம் தோ்ச்சி சதவீதம் குறைந்ததற்கான காரணத்தைக் கேட்டறிந்தாா். அரசுப் பள்ளிகள் மட்டுமின்றி, தனியாா் பள்ளிகளின் தோ்ச்சி சதவீதமும் குறைந்துள்ளதை சுட்டிக்காட்டி கவலைத் தெரிவித்தாா். கல்வியில் முன்னோடியாக இருந்த மாவட்டம் தொடா்ந்து பின்னுக்கு தள்ளப்பட்டு வருவதை சரிசெய்ய வேண்டும் என கல்வித் துறை அதிகாரிகளிடம் ஆட்சியா் அறிவுறுத்தினாா்.

மேலும், தமிழ், ஆங்கில மொழிப்பாடங்களில் மாணவா்கள் குறைவான மதிப்பெண்களையே பெற்றுள்ளனா். 35 மதிப்பெண்களைக் கூட பெற முடியாமல் மாணவா்கள் இருக்கிறாா்களா? அவ்வாறு குறைவான மதிப்பெண்கள் பெற்ற பள்ளிகளின் தலைமை ஆசிரியா்கள், வகுப்பு ஆசிரியா்களை வரவழைத்து விளக்கம் கேட்க வேண்டும். கணிதம், இயற்பியலில் மாணவா்களின் தோ்ச்சி சதவீதம் குறைந்துள்ளது. களங்காணி ஆதிதிராவிட மேல்நிலைப் பள்ளி தோ்ச்சி விகிதம் மிகவும் குறைவாக உள்ளது. அந்தப் பள்ளிக்கு நேரடியாகச் சென்று ஆசிரியா்களை வரவழைத்து தோல்விக்கான காரணம் குறித்து கேட்டறிய வேண்டும். மாணவா்கள் எங்கிருந்து வருகிறாா்கள், அவா்களுக்கு என்னவெல்லாம் பிரச்னை உள்ளது என்பது குறித்து கேட்க வேண்டும்.

கடந்த ஆண்டு 96.94 சதவீதம் தோ்ச்சி. இந்த ஆண்டு 96.10 சதவீதம் தோ்ச்சி. தோ்ச்சி சதவீதம் .84 குறைவாக உள்ளது. கடந்த ஆண்டு 18,228 மாணவ, மாணவியா் தோ்வு எழுதினா். இந்த ஆண்டு 17,260 போ் தோ்வு எழுதி உள்ளனா். தனியாா் பள்ளிகளின் தோ்ச்சி விகிதமும் வெகுவாகச் சரிந்துள்ளது. அது தொடா்பாகவும் ஆய்வு மேற்கொள்ள வேண்டும். 197 அரசு, தனியாா் பள்ளிகளில் 60 பள்ளிகள் 100 சதவீதம் தோ்ச்சியைப் பெற்றுள்ளது சற்று ஆறுதலாக உள்ளது. வரும் ஆண்டுகளில் தோ்ச்சி சதவீதத்தை உயா்த்துவதற்கான நடவடிக்கைகளைக் கல்வித் துறை அதிகாரிகள் மேற்கொள்ள வேண்டும் என்றாா்.