சிலம்பாட்ட போட்டி: ஆணையாம்பட்டிநேஷனல் பள்ளி மாநில அளவில் முதலிடம்

கெங்கவல்லி அருகே ஆணையாம்பட்டி நேஷனல் மெட்ரிக். பள்ளி மாணவ,மாணவியர் மாநில அளவிலான சிலம்பாட்டப் போட்டியில் முதலிடம் பெற்று சாதனை படைத்துள்ளனர்.
இப் பள்ளி  மாணவ, மாணவியர்,  அண்மையில் விருத்தாசலத்தில் நடைபெற்ற மாநில அளவிலான சிலம்பாட்டப் போட்டியில் பங்கேற்றனர். அதில் 3  பேர், மாநில அளவில் முதலிடத்தையும்,   2 பேர்  மாநில அளவில் இரண்டாமிடமும் பெற்றனர். வெற்றி பெற்ற மாணவ, மாணவியரை பள்ளித் தலைவர் வி.கதிர்வேல், செயலாளர் ஜி.அத்தியப்பன்,  பொருளாளர் ஏ.சிவாஜி,  முதல்வர் கே.முருகேசன், உடற்கல்வி ஆசிரியர்கள் செல்வி பிரிணி, மற்றும் சத்தியசீலன் ஆகியோர்  பாராட்டி நினைவுப்பரிசுகளை வழங்கினர்.