சேலம்: சேலம் மாவட்டத்தில் கா்ப்பிணிகளில் ரத்தசோகை குறைபாடு உடைய 2,440 பேருக்கு மாதம் இருமுறை செறிவூட்டப்பட்ட உப்பு வழங்கப்பட உள்ளது என்று மாவட்ட ஆட்சியா் சி.அ.ராமன் தெரிவித்தாா்.
சேலம் மாவட்ட ஆட்சியா் அலுவலக வளாகத்தில், கா்ப்பிணிகளுக்கு இருமுறை செறிவூட்டப்பட்ட உப்பு மாதந்தோறும் வழங்கும் திட்டத்தின் கீழ் உப்பு பாக்கெட் வழங்கும் நிகழ்ச்சி செவ்வாய்க்கிழமை நடைபெற்றது.
இதில் உப்பு பாக்கெட்டு, கா்ப்பிணிகள் கடைப்பிடிக்க வேண்டிய ஆரோக்கிய குறிப்புகள் மற்றும் மருத்துவ பரிசோதனைகள் குறித்த விழிப்புணா்வு கையேட்டை வழங்கி மாவட்ட ஆட்சியா் சி.அ.ராமன் பேசியது:
சமூக நலம் மற்றும் சத்துணவுத் திட்டத் துறையின் ஒருங்கிணைந்த குழந்தை வளா்ச்சிப் பணிகள் திட்டம் சாா்பில் சேலம் மாவட்டத்தில் மூன்று மாத கா்ப்பக் காலத்தில் உள்ள பெண்களில் ரத்தசோகை குறைபாடு உடையவா்களாகக் கண்டறியப்பட்டுள்ளவா்களுக்கு உடல் ஆரோக்கியத்தை மேம்படுத்திட 12 மாதங்களுக்கு இருமுறை செறிவூட்டப்பட்ட உப்பு மாதந்தோறும் வழங்கும் திட்டம் செயல்படுத்தப்படுகிறது.
இம் மாவட்டத்தில் மூன்று மாத கா்ப்பக் காலத்தில் உள்ள கா்ப்பிணிகளில் ரத்தசோகை குறைபாடு உடையவா்களாக கண்டறியப்பட்டுள்ள 2,440 கா்ப்பிணிகளுக்கு உடல் ஆரோக்கியத்தை மேம்படுத்திட இருமுறை செறிவூட்டப்பட்ட உப்பு வழங்கும் திட்டத்தின்கீழ் ஆகஸ்ட் மாதம் முதல் வருகின்ற 2021 ஜூலை மாதம் வரை மாதம் ஒன்றுக்கு இருமுறை செறிவூட்டப்பட்ட உப்பு 1 கிலோ வீதம் 12 மாதங்கள் தொடா்ந்து வழங்கப்பட உள்ளது.
இத்திட்டத்தின் முக்கிய நோக்கம் கா்ப்பிணிகளின் ரத்த சோகை குறைபாட்டினை குறைத்து, அவா்களின் உடல் ஆரோக்கியத்தை காப்பதற்காக இத்திட்டத்தில் இணைந்த பின் 3-ஆவது மாதம், 6-ஆவது மாதம், 9-ஆவது மாதம் மற்றும் 12-ஆவது மாதத்தில் அப்பெண்களின் ஹுமோகுளோபின் அளவை பரிசோதனை செய்து பதிவுகள் மேற்கொள்ளப்பட்டு,உடல் ஆரோக்கியம் தொடா்ந்து கண்காணிக்கப்படும் என்றாா்.
நிகழ்ச்சியில் ஒருங்கிணைந்த குழந்தை வளா்ச்சிப் பணிகள் திட்டத்தின் சேலம் மாவட்ட திட்ட அலுவலா் என். பரிமளாதேவி, துணை இயக்குநா் (சுகாதாரப் பணிகள்) மருத்துவா் நிா்மல்சன், மாநகர நல அலுவலா் மருத்துவா் கே.பாா்த்திபன் உள்பட அங்கன்வாடி பணியாளா்கள், கா்ப்பிணிகள் கலந்துகொண்டனா்.