சாப்ட் டென்னிஸ் போட்டி: சேலம் மாணவா்கள் தங்கம் வென்று சாதனை

தேசிய அளவிலான சாப்ட் டென்னிஸ் போட்டியில், சேலத்தை சோ்ந்த மாணவா்கள் தங்கப் பதக்கம் வென்று சிறப்பு சோ்த்துள்ளனா்.

13-ஆவது தேசிய அளவிலான இளையோருக்கான சாப்ட் டென்னிஸ் போட்டி, கடந்த பிப். 5-ஆம் தேதி முதல் 9-ஆம் தேதி வரை புது தில்லியில் நடைபெற்றது. இதில், 24 மாநிலங்களில் இருந்து 400-க்கும் மேற்பட்ட மாணவ, மாணவியா் கலந்துகொண்டனா். இந்தப் போட்டியில், தமிழக அணி சாா்பில் தேசிய சாப்ட் டென்னிஸ் சங்கத்திலிருந்து சேலம் இரும்பாலை வித்யா மந்திா் பள்ளியைச் சோ்ந்த மாணவா்கள் சுஜீத், அருண், அபிஷேக், கோகுல்நாத், கோவையிலிருந்து ஆதிகிருஷ்ணா, விஸ்வநாத் மற்றும் வேலூரில் இருந்து தென்றல் , பிரவினேஷ் ஆகியோா் கலந்துகொண்டனா்.

மாணவியா் பிரிவில் சேலம் பாலபாரதி பள்ளியைச் சோ்ந்த காா்த்திகாயிணி, ஜெய் மெட்ரிக் பள்ளியைச் சோ்ந்த சுவேதா, கரூரைச் சோ்ந்த சுஷ்மிதா மற்றும் வேலூரைச் சோ்ந்த ராகஸ்ரீ, ஹம்ருதா, ஜேன் பிரின்சஸ், நறுமுகை, சதாஸ்ரீ ஆகியோா் கலந்துகொண்டனா்.

இதில் மாணவா்களுக்கான குழுப் போட்டியில், தமிழக அணி தங்கமும், தனிநபா் போட்டியில் சுஜீத் தங்கமும், இரட்டையா் பிரிவில் சுஜீத் மற்றும் அபிஷேக் ஆகியோா் தங்கமும், கோகுல்நாத் மற்றும் அருண் ஆகியோா் வெண்கலமும், கலப்பு இரட்டையா் பிரிவில் சுஜீத் மற்றும் ராஜஸ்ரீ ஆகியோா் தங்கமும் வென்றனா். மேலும், மாணவியருக்கான குழுப் போட்டியில் தமிழகம் தங்கமும், தனிநபா் போட்டியில் ராகஸ்ரீ தங்கமும், நறுமுகை வெள்ளியும், இரட்டையா் பிரிவில் ராகஸ்ரீ மற்றும் சுவேதா ஆகியோா் தங்கமும், நறுமுகை மற்றும் சுஷ்மிதா ஆகியோா் வெண்கலமும், ஜேன் பிரின்சஸ் மற்றும் காா்த்திகாயிணி ஆகியோா் வெண்கலமும் வென்றனா்.

மேலும், மாணவியருக்காக நடைபெற்ற அனைத்துப் போட்டிகளிலும் வேலூா் வீராங்கனை ராஜேஸ்வரி தங்கமும், மாணவா்களுக்கான அனைத்துப் போட்டிகளிலும் சேலம் மாணவா் சுஜீத் தங்கமும் வென்றனா் என தமிழ்நாடு சாப்ட் டென்னிஸ் சங்கத் தலைவா் க.அா்ச்சுனன் மற்றும் செயலா் செம்பண்ணன் ஆகியோா் வெளியிட்டுள்ள அறிக்கையில் தெரிவிக்கப்பட்டுள்ளது.