நீரிழிவைக் கட்டுப்படுத்தும் சிறுதானியங்கள்குறித்து விழிப்புணா்வை ஏற்படுத்த வேண்டும்: துணைவேந்தா்

சிறுதானியங்களான தினை உள்ளிட்டவற்றை உண்பதன் மூலம் நீரிழிவைக் கட்டுப்படுத்த முடியும், என்பதால் மாணவா்கள் சிறுதானிய பயன்பாடு குறித்து பொதுமக்களிடையே விழிப்புணா்வை ஏற்படுத்த வேண்டும் என்று பெரியாா் பல்கலைக்கழகத் துணைவேந்தா் பேராசிரியா் பொ. குழந்தைவேல் அறிவுறுத்தினாா்.

பெரியாா் பல்கலைக்கழகத்தின் ஊட்டச்சத்து மற்றும் உணவு முறையியல் துறை சாா்பில் ‘சுகாதார மேம்பாட்டுக்காக சிறுதானிய தொழில்நுட்பத்தில் வளா்ந்து வரும் போக்குகள்’ என்ற தலைப்பிலான இருநாள் சா்வதேச கருத்தரங்குத் தொடக்க விழா வியாழக்கிழமை நடைபெற்றது. இதில் வரவேற்புரையாற்றிய துறைத்தலைவா் மற்றும் ஒருங்கிணைப்பாளா் பேராசிரியா் பி.நாஸ்னி பேசியதாவது:

‘தினைப் பதப்படுத்துதல், மூலக்கூறு ஊட்டச்சத்து மற்றும் உணவு தொழில் நுட்பம் ஆகிய துறை வல்லுநா்களை ஒருங்கிணைத்து தினையின் பயனை மாணவ மாணவியா், உழவா்கள் மற்றும் பொதுமக்களுக்கு விழிப்புணா்வு ஏற்படுத்துவமே இக் கருத்தரங்கின் நோக்கம்’ என்றாா்.

கருத்தரங்கைத் தொடக்கி வைத்து துணைவேந்தா் பொ. குழந்தைவேல் பேசியது:

’பண்டைய காலத்தில் தென்னிந்தியா்களின் பிரதான உணவாக தினை இருந்ததால் நீரிழிவு, இருதய நோயாளிகள் குறைவான எண்ணிக்கையில் இருந்தனா். ஆனால், தற்போது அதன் பயன்பாடு பெருமளவு குறைந்து விட்டது.

தமிழகத்தில் ஹெக்டேருக்கு 1,067 கிலோ தினை (இந்தியாவில் 2ஆம் இடம்) உற்பத்தி செய்யப்பட்டாலும் உட்கொள்வோரின் சதவிகிதம் 3.9 சதவீதம் மட்டுமே ஆகும்.

சிறுதானிய உணவினை உட்கொள்வதால் நீரிழிவினை கட்டுப்படுத்த முடியும் என்பதால் இதுகுறித்த விழிப்புணா்வினை மாணவ-மாணவியா் பொதுமக்களிடையே ஏற்படுத்த வேண்டும் என்றாா் அவா்.

முதன்மை உரையாற்றிய மலேசிய புத்ரா பல்கலைக்கழகத்தின் ஊட்டச்சத்து மற்றும் உணவு முறை துறைத் தலைவா் பேராசிரியை நோா்ஸிஸ்மா சுலைமான் பேசியதாவது: ‘ வளரும் ஆசிய நாடுகளில் இதன் உற்பத்தி 97 சதவீதம் உள்ளது. எனவே ஊட்டச்சத்து மற்றும் உணவு நிபுணா்கள் தினையின் நுகா்வு குறித்த விழிப்புணா்வை அதிகரிக்க இக் கருத்தரங்கை பயன்படுத்திக் கொள்ள வேண்டும்’ என்றாா்.

ஆஸ்திரேலியா நியூ சவுத் வேல்ஸ் பல்கலைக்கழகத்தின், மனநல துறையின் ஆராய்ச்சி வல்லுநா் அன்புபழம் தாளமுத்து,

மலேசிய புத்ரா பல்கலைக் கழகத்தின் ஊட்டச்சத்து மற்றும் உணவு முறை துறை இணை பேராசிரியை லோ சு பெங் ஆகியோா் பேசினா். நிறைவில் ஊட்டச்சத்து மற்றும் உணவு முறை துறை இணைப் பேராசிரியா் ச. பரமேஸ்வரி நன்றி கூறினாா்.