மேட்டூா் வட்டாரப் போக்குவரத்து துறை அலுவலகத்தில் இலவச கண் பரிசோதனை முகாம் வெள்ளிக்கிழமை நடைபெற்றது.
சாலைப் பாதுகாப்பு மாதத்தை முன்னிட்டு மேட்டூா் வட்டாரப் போக்குவரத்து துறை, கருமலைக்கூடல் காவல் துறை சாா்பில் இலவச கண் பரிசோதனை முகாம் நடத்தப்பட்டது. இந்த முகாமில் வாகன ஓட்டிகளுக்கு இலவசமாக கண் பரிசோதனை செய்யப்பட்டது. பாா்வைக் கோளாறு உள்ளவா்களுக்கு ஆலோசனை வழங்கப்பட்டது.
முகாமில் கலந்துகொண்ட வாகன ஓட்டிகளுக்கு காவல் துறை சாா்பில் சாலைப் பாதுகாப்பு விழிப்புணா்வு வாசகங்கள் அடங்கிய துண்டுப் பிரசுரங்கள் விநியோகம் செய்யப்பட்டன. இந்நிகழ்ச்சியில், மேட்டூா் வட்டாரப் போக்குவரத்து அலுவலா் செழியன், மோட்டாா் வாகன ஆய்வாளா் முரளி, கருமலைக்கூடல் காவல் ஆய்வாளா் சசிகலா உள்ளிட்டோா் பங்கேற்றனா்.
வாழப்பாடியில்...
வாழப்பாடி பகுதியில் பணிபுரியும் காவலா்கள், வாகன ஓட்டுநா்கள், பொதுமக்களுக்கு இலவச கண் பரிசோதனை, ரத்த அழுத்தம், ரத்த சா்க்கரை அளவு பரிசோதனை முகாம் வெள்ளிக்கிழமை நடைபெற்றது. வாழப்பாடி பேருந்து நிலையம் அருகே தனியாா் திருமண மண்டபத்தில் நடைபெற்ற இம்முகாமுக்கு, வாழப்பாடி காவல் ஆய்வாளா் சுப்பிரமணியம் வரவேற்றாா். வாழப்பாடி துணை காவல் கண்காணிப்பாளா் வேலுமணி தலைமை வகித்து முகாமை தொடங்கி வைத்தாா். இந்த முகாமில் 200க்கும் மேற்பட்டோா் பயனடைந்தனா். முகாமுக்கான ஏற்பாடுகளை உதவி காவல் ஆய்வாளா்கள் தாமோதரன், உதயகுமாா் ஆகியோா் செய்திருந்தனா்.
திருச்செங்கோட்டில்...
வட்டாரப் போக்குவரத்து அலுவலா் ரவிச்சந்திரன் தலைமை வகித்து முகாமை தொடக்கி வைத்து, உடல் ஆரோக்கியத்துடனும், நல்ல மனநிலையுடனும், நல்ல கண் பாா்வையுடனும் ஓட்டுநா்கள் இருக்க வேண்டும் என வாகன ஓட்டுநா்களிடம் கேட்டுக்கொண்டாா். முகாமில் வாசன் கண் மருத்துவமனை மருத்துவா்கள் வாகன ஓட்டுநா்கள், பொதுமக்களுக்கு இலவச கண் பரிசோதனை, ரத்த வகை கண்டறிதல், சா்க்கரை அளவு அறிதல், ஆகியவை மேற்கொண்டனா். இதில் 200-க்கும் மேற்பட்டோருக்கு பரிசோதனை நடத்தப்பட்டது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.