பொதுமக்களின் இருப்பிடங்களுக்கே சென்று மருத்துவ பரிசோதனை செய்யும் வகையில், 83 நடமாடும் மழைக்கால மருத்துவ முகாம் வாகனங்களை மாவட்ட ஆட்சியா் செ.காா்மேகம் சனிக்கிழமை தொடங்கி வைத்தாா்.
சேலம், காந்தி விளையாட்டு மைதானத்தில் நடைபெற்ற நிகழ்ச்சியில் ஆட்சியா் செ.காா்மேகம் பேசியதாவது:
சேலம் மாவட்டத்தில் மாநகராட்சி, நகராட்சிகள், பேரூராட்சிகள், அனைத்து வட்டாரப் பகுதிகளில் 249 மழைக்கால நடமாடும் மருத்துவ முகாம்களும், 87 அரசு ஆரம்ப சுகாதார நிலையங்கள், 14 நகா்ப்புற ஆரம்ப சுகாதார நிலையங்களில் மருத்துவ முகாம்களும் நடைபெறுகின்றன.
தொடா் மழையால் பாதிக்கப்பட்ட பகுதிகளில் குளோரினேசன் செய்யப்பட்ட பாதுகாக்கப்பட்ட குடிநீா் விநியோகித்தல், கொசுக்களால் பரவும் டெங்கு, மலேரியா, சிக்குன் குனியா போன்ற நோய்கள் பரவாமல் தடுக்க புகைமருந்து அடிக்கும் பணி, டெங்கு கொசுப்புழு ஒழிப்புப் பணி, திடக்கழிவுகளை அகற்றுதல், நீரினால் பரவும் நோய்களைத் தடுக்க உடனடி நடவடிக்கைகள் மேற்கொள்ளப்பட்டு வருகின்றன.
மருத்துவ முகாம்களில் காய்ச்சல், வயிற்றுப்போக்கு, தோல் வியாதி, பூச்சி மற்றும் விலங்குகளால் ஏற்படும் நாய்க்கடி, பாம்புக்கடி, மூச்சுத் திணறல், மஞ்சள் காமாலை, உணவு மற்றும் நீரினால் பரவும் நோய்களுக்கு சிகிச்சை அளிக்க அனைத்து நடவடிக்கைகளும் எடுக்கப்பட்டுள்ளன.
பொதுமக்களின் இருப்பிடங்களுக்கே சென்று மருத்துவ பரிசோதனை செய்யும் வகையில், 21 நடமாடும் மருத்துவக்குழு வாகனங்களும், 42 பள்ளி சிறாா் வாகனங்களும், 20 மக்களைத்தேடி மருத்துவ வாகனங்களும் என மொத்தம் 83 வாகனங்கள் ஈடுபடுத்தப்பட்டுள்ளன.
இந்த நடமாடும் மருத்துவ முகாம்களில் மருத்துவா்கள், செவிலியா்கள், மருந்தாளுநா்கள், வட்டார சுகாதார மேற்பாா்வையாளா்கள், சுகாதார ஆய்வாளா்கள், ஆய்வக உதவியாளா்கள், டி.பி.சி. பணியாளா்கள் ஈடுபடுத்தப்பட்டுள்ளனா்.
ஒவ்வொரு குழுவும் ஒருநாளைக்கு மூன்று முகாம்கள் வீதம், 249 மருத்துவ முகாம்கள் நடத்தத் தேவையான நடவடிக்கை எடுக்கப்பட்டுள்ளன. மேலும், மருத்துவ முகாம் நடைபெறும் இடங்களில் கரோனா தொற்றைக் கண்டறிய சளி மாதிரி தடவல் எடுத்தல், கரோனா தடுப்பூசி செலுத்துதல், டெங்கு, சிக்குன் குனியா, டைபாய்டு போன்ற நோய்களைக் கண்டறிய சீரம் மாதிரிகள் எடுத்தல் உள்ளிட்டவை மேற்கொள்ளப்பட உள்ளன என்றாா்.
இந்நிகழ்ச்சியில், எம்.பி. எஸ்.ஆா்.பாா்த்திபன், எம்எல்ஏ-க்கள் ஆா்.ராஜேந்திரன், இரா.அருள், எஸ்.சதாசிவம், சேலம் அரசு மோகன் குமாரமங்கலம் மருத்துவக் கல்லூரி மருத்துவமனை முதன்மையா் மருத்துவா் வள்ளி சத்தியமூா்த்தி, துணை இயக்குநா் (சுகாதாரப் பணிகள்) மருத்துவா் பி.ஆா்.ஜெமினி (ஆத்தூா்) உள்ளிட்ட அலுவலா்கள் கலந்துகொண்டனா்.