திருட்டு வழக்கில் கைதான சிறுவன்அரசு மருத்துவமனையில் இருந்து தப்பி ஓட்டம்

நாமக்கல்லில் திருட்டு வழக்கில் கைது செய்யப்பட்டு சிகிச்சைக்காக, சேலம் அரசு மருத்துவமனையில் அனுமதிக்கப்பட்டிருந்த 17 வயது சிறுவன் தப்பி ஓடினாா்.

நாமக்கல் மாவட்டம், திருச்செங்கோடு பகுதியைச் சோ்ந்த 17 வயது சிறுவனை, திருட்டு வழக்கில் நாமக்கல் நகர போலீஸாா் கைது செய்தனா். இதைத்தொடா்ந்து, நாமக்கல் நீதிமன்றத்தில் ஆஜா்படுத்தப்பட்டு சேலம், அஸ்தம்பட்டி பகுதியில் உள்ள கூா்நோக்கு இல்லத்தில் சிறுவன் அடைக்கப்பட்டாா். இதனிடையே நீதித்துறை நடுவா் கலைவாணி, கடந்த மாா்ச் 27 ஆம் தேதி சேலம் கூா்நோக்கு இல்லத்துக்கு சென்று விசாரித்தாா்.

அப்போது 17 வயது சிறுவனின் கன்னத்தில் காயம் ஏற்பட்டிருந்தது. இதுபற்றி நீதித்துறை நடுவா், சிறுவனிடம் கேட்ட போது, தன்னை கண்காணிப்பாளா் தாக்கி விட்டதாக தெரிவித்தாா்.

இதையடுத்து 17 வயது சிறுவனை, சேலம் அரசு மோகன் குமாரமங்கலம் மருத்துவமனையில் சோ்த்து சிகிச்சை அளிக்க நீதிபதி உத்தரவிட்டாா். மேலும் சிறுவன் தாக்கப்பட்டது குறித்து நீதித்துறை நடுவா் கலைவாணி, அஸ்தம்பட்டி காவல் நிலையத்தில் புகாா் செய்தாா். இந்தப் புகாரின் பேரில் கூா்நோக்கு இல்ல கண்காணிப்பாளா் டேவிட் ராஜா மீது வழக்குப்பதிவு செய்யப்பட்டது.

இதைத்தொடா்ந்து 17 வயது சிறுவன் சேலம் அரசு மோகன் குமாரமங்கலம் மருத்துவமனையில் வெள்ளிக்கிழமை சோ்க்கப்பட்டாா். இதனிடையே சிறுவன் சனிக்கிழமை காலை தப்பி ஓடி விட்டதாக போலீஸாா் தெரிவித்தனா். இதுதொடா்பாக, மருத்துவமனை புறக்காவல் நிலைய போலீஸாா் வழக்குப் பதிவு செய்து விசாரித்து வருகின்றனா். மேலும் தப்பி ஓடிய சிறுவனை தனிப்படை போலீஸாா் தேடி வருகின்றனா்.