சேலம் மாநகராட்சி திடக்கழிவு மேலாண்மையில் சிறப்பாக செயல்படுகிறது: தேசிய பசுமை தீா்ப்பாய கண்காணிப்புக் குழு தலைவா்

சேலம் மாநகராட்சி திடக்கழிவு மேலாண்மையில் சிறப்பாக செயல்பட்டு வருகிறது என தேசிய பசுமை தீா்ப்பாய தென்மண்டல கண்காணிப்புக் குழுத் தலைவா் ப.ஜோதிமணி தெரிவித்தாா்.

சேலம் மாநகராட்சி மைய அலுவலக மாமன்றக் கூட்ட அரங்கில் திடக்கழிவு மேலாண்மை குறித்த ஆய்வு கூட்டம் தேசிய பசுமை தீா்ப்பாய தென் மண்டல கண்காணிப்புக் குழுத் தலைவா் ப. ஜோதிமணி தலைமையில் வெள்ளிக்கிழமை நடைபெற்றது. இக்கூட்டத்திற்கு மேயா் ஆ.ராமச்சந்திரன் முன்னிலை வகித்தாா். மாநகராட்சி ஆணையா் தா.கிறிஸ்துராஜ் வரவேற்றாா்.

தேசிய பசுமை தீா்ப்பாய தென்மண்டல கண்காணிப்புக் குழுத் தலைவா் ப. ஜோதிமணி பேசியதாவது:

சேலம் மாநகராட்சி பகுதி முழுவதும் குப்பையில்லாமல் உள்ளது. புதிய பேருந்து நிலைய பகுதி குப்பைமேடுகளாகக் காட்சியளித்த நிலை மாறி, தற்போது தூய்மையான நகரமாக மாறி வருகிறது. குப்பைகள் உடனடியாக அகற்றப்படுவதால் இது சாத்தியமாகி உள்ளது.

திடக்கழிவு மேலாண்மை முழுமையாகச் செயல்படுகிறது. கிராமங்களிலும் தூய்மையைக் கடைப்பிடிக்க வேண்டும் என்று காந்தி கூறியுள்ளாா். குப்பைகளில் மக்கும் குப்பை மக்காத குப்பை எனப் பிரித்தாலும் மக்கும் குப்பைகள் காய்கறி கழிவுகளாக இருப்பதால் அதன் உள்ளே பாக்டீரியா, கொசுக்கள் வந்தடைய வாய்ப்பு உள்ளது. எனவே அதை உடனுக்குடன் சீா்ப்படுத்த வேண்டும்.

மக்காத குப்பையில் நெகிழி போன்ற பொருள்களையும் தரம் பிரித்திட வேண்டும். பள்ளி மாணவ- மாணவிகள் தங்களது பெற்றோா்களிடம் மக்கும் குப்பை, மக்காத குப்பை என தரம் பிரிப்பது குறித்து விளக்கிக் கூறவேண்டும் என்றாா்.

இக்கூட்டத்தில் மேயா் ஆ.ராமச்சந்திரன் பேசியதாவது:

சேலம் மாநகராட்சியில் திடக்கழிவு மேலாண்மை சிறப்பாக செயல்படுத்தப்பட்டு வருகிறது. சேலம் மாநகராட்சியை தூய்மை நிறைந்த நகரமாக உருவாக்கிட பல்வேறு நடவடிக்கைகள் மேற்கொள்ளப்பட்டு வருகின்றன. 28 நுண்ணுயிரி உரம் தயாரிக்கும் மையங்கள் மூலம் நாள்தோறும் சேகரமாகும் குப்பைகளிலிருந்து உரம் தயாரிக்கும் பணி நடைபெற்று வருகிறது.

இந்தப் பணிகளை விரைவுபடுத்தி குப்பைகளே இல்லாத நகரமாக உருவாக்குவோம் என்றாா்.

அஸ்தம்பட்டி மண்டலக் குழுத் தலைவா் செ.உமாராணி, கொண்டலாம்பட்டி மண்டலக் குழுத் தலைவா் அ.அசோகன், வாா்டு உறுப்பினா்கள் இளங்கோ, நா. யாதவமூா்த்தி, ஜெயகுமாா் ஆகியோா் திடக்கழிவு மேலாண்மை குறித்து பேசினா்.

முன்னதாக தேசிய பசுமை தீா்ப்பாய தென்மண்டல கண்காணிப்புக் குழுத் தலைவா் ப.ஜோதிமணி அஸ்தம்பட்டி மண்டலம் கோட்டம் எண்.6 என்ஜிஜிஓ காலனி பகுதியில் , ‘நகருக்குள் வனம்’ - மரம் நடும் விழாவில் பள்ளி மாணவ - மாணவிகள் மரக் கன்றுகள் நடுவதை பாா்வையிட்டு மரங் கன்றுகளை நட்டாா்.

அதைத் தொடா்ந்து திருநகா் பகுதியில் வீடு வீடாக பொதுமக்கள் குப்பைகள் தரம் பிரித்து வழங்குவதையும் பாா்வையிட்டாா்.

கோட்டம் எண்.12ல் காக்காயன்காடு நுண்ணுயிரி உரம் தயாரிக்கும் மையம், மூக்கனேரி அபிவிருத்தி பணி, சூரமங்கலம் மண்டலம் கோட்டம் எண்.23இல் மான்குட்டை கழிவுநீா் சுத்திகரிப்பு நிலையம் ஆகியவற்றை ஆய்வு செய்தாா்.

நிகழ்ச்சியில் துணை மேயா் மா. சாரதாதேவி, மாநகர பொறியாளா் ஜி. ரவி, மாநகர நல அலுவலா் மருத்துவா் என். யோகானந்த், மண்டலக் குழுத் தலைவா்கள், நிலைக் குழுத் தலைவா்கள் உள்ளிட்டோா் பங்கேற்றனா்.