பேருந்து நிலையத்தில் மேயா் ஆய்வு

சேலம் புதிய பேருந்து நிலையத்தில் மாநகராட்சி மேயா் ஆ.ராமச்சந்திரன் வெள்ளிக்கிழமை திடீா் ஆய்வு மேற்கொண்டாா்.

சேலம் புதிய பேருந்து நிலையத்தில் பொதுமக்களுக்கு இடையூறு ஏற்படுத்தும் வகையில் கடைகள் வைக்கப்பட்டுள்ளதாகவும், அதை அப்புறப்படுத்த வேண்டுமென பொதுமக்களிடம் இருந்தும், பல்வேறு அமைப்புகளிடம் இருந்தும் கோரிக்கைகள் வரபெற்றன.

அதன் அடிப்படையில், புதிய பேருந்து நிலையத்தில் மாநகராட்சி மேயா் ஆ.ராமச்சந்திரன் திடீா் ஆய்வு மேற்கொண்டாா்.

ஆய்வின் போது நடைபாதைகளில் வைக்கப்பட்டுள்ள கடைகள் முறையாக அனுமதி பெற்று வைக்கப்பட்டுள்ளதா என்றும், அனுமதி அளிக்கும்போது குறிப்பிட்ட அளவுக்கு மேல் கடைகள் விரிவுபடுத்தி வைக்கப்பட்டுள்ளதா என்பதையும் ஆய்வு செய்தாா்.

இடையூறான கடைகளை அப்புறப்படுத்த அறிவுரை:

நடைபாதையில் நடந்து செல்லும் பயணிகள், பொதுமக்களுக்கு இடையூறு ஏற்படுத்தும் வகையில் அனுமதி இல்லாமல் வைக்கப்பட்டுள்ள பழக்கடைகள், பூக்கடைகள், உணவுப் பொருள்கள் கடைகள், காலணி கடைகள், இதர பொருள்கள் அடங்கிய கடைகளை அப்புறப்படுத்த வேண்டுமென கடை வைத்துள்ளவா்களிடம் அறிவுறுத்தினாா்.

மேலும், பொதுமக்களுக்கு பொருள்கள் வழங்கும்போது நெகிழி பைகள் பயன்படுத்தப்படுகிா என கேட்டறிந்ததோடு, எக்காரணம் கொண்டும் தடை செய்யப்பட்ட நெகிழிப் பொருள்களை பயன்படுத்தக் கூடாது என எச்சரித்தாா்.

பேருந்து நிலைய நடைபாதைகளில் விற்பனை செய்யும் உணவுப் பண்டங்கள் சுகாதாரமான முறையில் வைக்கப்பட்டுள்ளதா என்பதை நேரில் ஆய்வு செய்து, பேருந்து நிலையத்தில் பொதுமக்களுக்கு தேவையான அடிப்படை வசதிகள் செய்யப்பட்டுள்ளதா என்பதையும், மழைக் காலங்களில் பயணிகளுக்கு போதுமான இட வசதி குறித்தும் விரிவாக ஆய்வு செய்தாா். இந்த ஆய்வின் போது, சுகாதார ஆய்வாளா் எஸ்.சதீஷ்குமாா் உடனிருந்தாா்.