கொங்கணாபுரம் கூட்டுறவு சங்கத்தில் ரூ. 26 லட்சம் மதிப்பிலான பருத்தி விற்பனை நடைபெற்றது.
சேலம் மாவட்டம், கொங்கணாபுரம் பகுதியில் செயல்பட்டு வரும் கூட்டுறவு வேளாண் விற்பனை சங்கத்தில் சனிக்கிழமை நடைபெற்ற பொது ஏலத்தில், விவசாயிகள் விற்பனைக்கு கொண்டு வந்திருந்த சுமாா் 1,050 பருத்தி மூட்டைகள் 220 லாட்டுகளாகப் பிரிக்கப்பட்டு, சம்பந்தப்பட்ட அலுவலா்கள் முன்னிலையில் பொது ஏலம் விடப்பட்டது.
இதில், பி.டி. ரக பருத்தியானது குவிண்டால் ஒன்று ரூ. 8,100 முதல் ரூ. 9,009 வரையும், கொட்டு ரக பருத்தி குவிண்டால் ஒன்று ரூ. 3,700 முதல் ரூ. 5,625 வரையிலும் விலை போனது. நாள் முழுவதும் நடைபெற்ற பொது ஏலத்தில் ரூ. 26 லட்சம் மதிப்பிலான பருத்தி வணிகம் நடைபெற்றது.