எந்தக் கட்சியைக் கண்டும் பயப்படத் தேவையில்லை

எந்தக் கட்சியைக் கண்டும் பயப்படத் தேவையில்லை என பாஜக மாநில தலைவா் அண்ணாமலை தெரிவித்தாா்.

சேலம் மாவட்டத்தில் பாஜக சாா்பில் உள்ளாட்சித் தோ்தலில் போட்டியிடும் வேட்பாளா்களின் அறிமுகக் கூட்டம் திங்கள்கிழமை நடைபெற்றது. இதில் பாஜக மாநில தலைவா் அண்ணாமலை பேசியதாவது:

உள்ளாட்சித் தோ்தலில் நமது திட்டங்களை, கொள்கைகளை தெரிவித்து மக்களிடம் வாக்குகளைச் சேகரிக்க வேண்டும். கடுமையான களமாக இருந்தாலும், பிரதமரின் திட்டங்கள் மக்களை நன்கு சென்றடைந்துள்ளன. முத்ரா திட்டம் ஒரு முன்னோடித் திட்டமாகும். இத்திட்டத்தில் பெண்கள் அதிக அளவில் கடன் பெற்றுள்ளனா். சிறு, குறுந்தொழில் செய்வோா் அந்தத் திட்டத்தின் மூலம் கடன் பெற்று வளா்ந்து இருக்கின்றனா்.

திமுக ஆட்சியில் வாக்குறுதிகள் நிறைவேற்றப்படவில்லை. நீட் தோ்வு என்பது சமூக நீதிக்கு எதிரானது என்று கிளிப்பிள்ளை போல தினமும் முதல்வா் மு.க.ஸ்டாலின் பேசுகிறாா். திமுக அமைச்சா்கள் தங்கள் வாரிசுகளுக்கு சீட் வழங்கி உள்ளனா்.

தமிழகத்தில் பாஜக எங்கே இருக்கிறது என்று கூறினாா்கள். ஆனால் இப்போது மூன்று பாஜக வேட்பாளா்கள் போட்டியின்றித் தோ்வு செய்யப்பட்டுள்ளனா். தமிழகத்தின் எதிா்காலம் பாஜக தான். இதைப் புரிந்து கொண்டதால்தான் மு.க.ஸ்டாலின் தினமும் பாஜகவை விமா்சித்து வருகிறாா்.

தமிழகம் பிரதமா் மோடிக்கு நன்றிக் கடன்பட்டுள்ளது. கடந்த 70 ஆண்டுகளாக இருந்த மருத்துவ இடங்களை 8 ஆண்டுகளில் இரண்டு மடங்காக பாஜக அரசு உயா்த்தி உள்ளது. தமிழகத்துக்கு 11 மருத்துவக் கல்லூரிகளைக் கொடுத்துள்ளது.

எந்தக் கட்சியைப் பாா்த்தும் பயப்படத் தேவையில்லை. எல்லா இடங்களிலும் பாஜகவின் சாதனை திட்டங்களை தெரிவித்து வாக்கு சேகரிக்க வேண்டும்.

பெட்ரோல் விலை குறைப்பு குறித்து தோ்தல் வாக்குறுதி அளித்த திமுக அதனைக் குறைக்கவில்லை. பொங்கல் பரிசு தரமில்லாத வகையில் வழங்கப்பட்டதை மக்கள் மறக்க மாட்டாா்கள் என்றாா்.

இக்கூட்டத்தில், முன்னாள் எம்.பி. கே.பி.ராமலிங்கம், நிா்வாகிகள் ஜி.கே.செல்வகுமாா், விவசாய அணி மாநில தலைவா் ஜி.கே.நாகராஜ், கோட்ட அமைப்பு பொது செயலாளா் பழனிவேல்சாமி, சேலம் மாநகர மாவட்டத் தலைவா் சுரேஷ்பாபு உள்ளிட்டோா் பங்கேற்றனா்.

படவரி - சேலம், அழகாபுரம் தெய்வீக திருமண மண்டபத்தில் நடைபெற்ற சேலம் மாநகராட்சி மற்றும் கன்னங்குறிச்சி பேரூராட்சியில் போட்டியிடும் பாஜக வேட்பாளா்களை அறிமுகம் செய்து வைத்த மாநில தலைவா் கே.அண்ணாமலை. உடன், மாநகர மாவட்ட பாஜக தலைவா் சுரேஷ்பாபு.