ஆத்தூரில் வைகுண்ட ஏகாதசிப் பெருவிழா

ஆத்தூா் பெருமாள் ஆலயங்களில் வைகுண்ட ஏகாதசிப் பெருவிழா வியாழக்கிழமை வெகு விமா்சையாக நடைபெற்றது.

சேலம் மாவட்டம் ஆத்தூா் கோட்டை அருள்மிகு பிரசன்ன வெங்கடேசப் பெருமாள் கோயிலில் வைகுண்ட ஏகாதசியை முன்னிட்டு அதிகாலை 5.30 மணியளவில் பெருமாள் தம்பதி சமேதரராக சொா்க்கவாசல் வழியாக வெளியே வந்தாா்.

ஆகம விதிகளின் படி திருக்கோயில் நிா்வாகத்தினரை கொண்டு சொா்க்க வாசல் திறப்பு விழா நடைபெற்றது. இதனையடுத்து பக்தா்கள் தரிசனத்திற்கு காலை 6.30 மணி முதல் இரவு 8.00 மணி வரை அனுமதிக்கப்பட்டனா்.

விழாவினை இந்து சமய அறநிலையத் துறை ஆய்வாளா் கு.அருள்மணி, செயல் அலுவலா் எஸ்.குணசேகரன், மேலும் திருப்பாவை கமிட்டியாா் தலைவா் என்.செல்வராஜ், செயலாளா் ஆா்.முத்தியாலு, பொருளாளா் ஆா்.தா்மகிருஷ்ண நாடாா், துணைத் தலைவா் சி.ஆறுமுகம், இணைச் செயலாளா் ஆா்.கிருஷ்ணமூா்த்தி ஆகியோா் சிறப்பாக ஏற்பாடு செய்திருந்தனா். மேலும் நாள் முழுவதும் சிறப்பு அன்னதானம் நடைபெற்றது.

இதே போல் நரசிங்கபுரத்தில் உள்ள திருவரங்கம் ஆலயத்தில் சொா்க்கவாசல் திறப்பு நிகழ்ச்சி நடைபெற்றது. இதில் ஆயிரக்கணக்கான பக்தா்கள் கலந்து கொண்டனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...