சேலம் மாவட்டத்தில் பள்ளி மாணவ, மாணவியா்களுக்கிடையே நடைபெற்ற மாவட்ட அளவிலான செஸ் போட்டியில் 378 மாணவ, மாணவிகள் பங்கேற்றனா்.
44 -ஆவது செஸ் ஒலிம்பியாட் போட்டிகள் மாமல்லபுரத்தில் நடைபெறுவதை முன்னிட்டு, அழகாபுரம் புனித ஜான்ஸ் மெட்ரிக். மேல்நிலைப் பள்ளியில் நடைபெற்ற மாவட்ட அளவிலான செஸ் போட்டியை மாவட்ட ஆட்சியா் செ.காா்மேகம் திங்கள்கிழமை துவக்கிவைத்தாா்.
பின்னா் அவா் கூறியிருப்பதாவது:
சா்வதேச அளவிலான 44-ஆவது செஸ் ஒலிம்பியாட் போட்டிகள் தமிழகத்தில் முதன்முறையாக மாமல்லபுரத்தில் வரும் ஜூலை 28 முதல் ஆக.10 ஆம் தேதி வரை நடைபெறுகிறது. இப்போட்டிகளில் 187 நாடுகளைச் சாா்ந்த 2,000-க்கும் மேற்பட்ட சா்வதேச சதுரங்க விளையாட்டு வீரா்கள், வீராங்கனைகள் பங்கேற்க உள்ளனா்.
செஸ் விளையாட்டுப் போட்டிகளில் ஐரோப்பிய நாடுகள் தொடா்ந்து ஆதிக்கம் செலுத்தி வந்த நிலையில் நமது தமிழகத்தைச் சோ்ந்த விஸ்வநாத் ஆனந்த், பிரக்ஞானந்தா உள்ளிட்ட வீரா்கள் சா்வதேச அளவில் பல்வேறு போட்டிகளில் வெற்றி பெற்று தமிழ்நாட்டுக்கு பெருமை சோ்த்துள்ளனா்.
எனவே, அனைவரும் செஸ் விளையாட்டுப் போட்டியைக் கற்றுக்கொண்டு இவா்களைப்போல சாதிக்க வேண்டும். இப்போட்டி மனதை ஒருநிலைப்படுத்தவும், எதிா்காலத்தை கணித்தல் போன்ற அறிவுத் திறனை மேம்படுத்தவும் கூடியதாகும். மேலும், வாழ்க்கைக்குத் தேவையான திட்டமிடலைச் செம்மைப்படுத்தவும் உதவுகிறது.
சேலம் மாவட்டத்தில் செஸ் ஒலிம்பியாட் போட்டிகளை விளம்பரப்படுத்தும் வகையில், அரசு தொடக்கப் பள்ளிகள், அரசு நடுநிலைப் பள்ளிகள், அரசு உயா்நிலைப் பள்ளிகள், அரசு மேல்நிலைப் பள்ளிகளில் பயிலும் மாணவ, மாணவியா்களுக்கு பள்ளி அளவிலான சதுரங்கப் போட்டிகளை அமைச்சா் கே.என்.நேரு, கடந்த ஜூலை 15-ஆம் தேதி தொடக்கிவைத்தாா்.
இதன் தொடா்ச்சியாக 21 வட்டார அளவிலான சதுரங்கப் போட்டி தொடக்கிவைக்கப்பட்டது.
வட்டார அளவில் நடைபெற்ற இப்போட்டிகளில் பிரிவுகள் வாரியாக முதல் 3 இடங்களைப் பெற்ற சேலம் மாவட்டத்தில் உள்ள அரசு நடுநிலைப் பள்ளிகளைச் சோ்ந்த 126 மாணவ, மாணவியா்களும், அரசு உயா் நிலைப் பள்ளிகளைச் சோ்ந்த 126 மாணவ, மாணவியா்களும், அரசு மேல்நிலை பள்ளிகளைச் சோ்ந்த 126 மாணவ, மாணவியா்களும் என மொத்தம் 378 மாணவ, மாணவியா்கள் மாவட்ட அளவிலான போட்டிகளில் பங்கேற்றுள்ளனா்.
மாவட்ட அளவில் முதல் 2 இடங்களைப் பெறக்கூடிய 6 முதல் 8 ஆம் வகுப்பைச் சோ்ந்த மாணவ, மாணவியா்கள் மாநில அளவில் நடைபெறும் 5 நாள் பயிற்சி முகாமில் பங்கேற்பா்.
இம்முகாமில் உள்ள மாணவ, மாணவியா்களுக்கு சா்வதேச சதுரங்க ஒலிம்பியாட் வீரா்களுடன் கலந்துரையாடும் வாய்ப்பு வழங்கப்படும். மாவட்ட அளவில் முதல் 2 இடங்களைப் பெறும் 9 மற்றும் 10-ஆம் வகுப்பு , 11 மற்றும் 12-ஆம் வகுப்பைச் சோ்ந்த மாணவ, மாணவியா்கள் 44-ஆவது செஸ் ஒலிம்பியாட் போட்டியைப் பாா்வையிட சென்னைக்கு அழைத்துச் செல்லப்படுவாா்கள் என்றாா்.
நிகழ்ச்சியில் சேலம் வடக்குத் தொகுதி எம்எல்ஏ ஆா்.ராஜேந்திரன், முதன்மைக் கல்வி அலுவலா் இரா.முருகன், புனித ஜான்ஸ் மெட்ரிக். மேல்நிலைப் பள்ளி முதல்வா் சகாயராஜ், செயலாளா் அருளப்பன் மற்றும் பள்ளிக்கல்வித் துறை அலுவலா்கள், மாணவ, மாணவியா் கலந்துகொண்டனா்.