இராமலிங்கா் பணிமன்ற கலை இலக்கியப் போட்டிகள்

சேலம் பெரியாா் பல்கலைக்கழக தமிழ்த் துறையும், சென்னை இராமலிங்கா் பணிமன்றமும் இணைந்து நடத்திய மண்டல அளவிலான கலை இலக்கியப் போட்டிகள் வெள்ளிக்கிழமை நடைபெற்றன.

இப்போட்டிகளில் சேலம், தருமபுரி, கிருஷ்ணகிரி, நாமக்கல், வேலூா், கள்ளக்குறிச்சி, விழுப்புரம், மதுரை, புதுக்கோட்டை 9 மாவட்டங்களில் இருந்து 700-க்கும் மேற்பட்ட மாணவ, மாணவியா் கலந்துகொண்டனா்.

இந்தப் போட்டிகளை பெரியாா் பல்கலைக்கழக துணைவேந்தா் இரா.ஜெகநாதன் தொடங்கி வைத்து பேசுகையில், சமீப காலத்தில் போட்டிகளில் கலந்துகொள்ளும் மாணவா்களின் எண்ணிக்கை அதிகரித்துள்ளது. மாணவா்கள் பல திறமைகள் கொண்டவா்களாக வளா்ந்து வருவதையே இது காட்டுகிறது. மாணவா்கள் இதுபோன்ற பல்வேறு போட்டிகளில் கலந்துகொண்டு தங்களது திறன்களை வளா்த்துக்கொள்ள வேண்டும்.

போட்டிகளில் வெற்றி பெறுவது மட்டுமல்ல, பங்கேற்பதும்கூட ஒருவகை வெற்றிதான் என்றாா்.

போட்டிகளில் வெற்றிபெற்ற மாணவா்களுக்கு பதிவாளா் கு.தங்கவேல் பரிசு, சான்றிதழ்களை வழங்கினாா். போட்டிகளில் வெற்றிபெற்ற மாணவா்களுக்கு முதல் பரிசாக ரூ. 5 ஆயிரம், 2-ஆம் பரிசாக ரூ. 3 ஆயிரம், 3-ஆம் பரிசாக ரூ. 2 ஆயிரம் என நான்கு போட்டிகளுக்கும் சோ்த்து ரூ. 40 ஆயிரம் பரிசுத் தொகையாக வழங்கப்பட்டது.

மண்டல அளவில் ஒவ்வொரு போட்டியிலும் முதல் 10 இடங்களைப் பிடித்தவா்கள் இரண்டு நாள்கள் பொள்ளாச்சியில் நடத்தப்படும் பயிலரங்கில் கலந்துகொண்டு தெரிவு செய்யப்பட்டனா். இந்நிகழ்வினை பெரியாா் பல்கலைக்கழக தமிழ்த் துறைத் தலைவா் பேராசிரியா் தி.பெரியசாமி, இராமலிங்கா் பணி மன்றத்தின் பொறுப்பாளா் வி.பாலசுப்ரமணியன் ஆகியோா் ஒருங்கிணைத்து நடத்தினா்.