சாலைப் பாதுகாப்பு விழிப்புணா்வு சைக்கிள் பேரணி
By DIN | Published On : 12th January 2023 01:53 AM | Last Updated : 12th January 2023 01:53 AM | அ+அ அ- |
மாணவா்களுக்கு விழிப்புணா்வு கருத்துரை வழங்கிய துணை காவல் கண்காணிப்பாளா் ஹரிசங்கரி.
வாழப்பாடியில், அரசு மாதிரி ஆண்கள் மேல்நிலைப் பள்ளி போதைப் பொருள் தடுப்பு மன்றம் சாா்பில், சாலைப் பாதுகாப்பு மற்றும் போதைப்பொருள் தடுப்பு விழிப்புணா்வு பிரசார சைக்கிள் பேரணி, கருத்தரங்கு புதன்கிழமை நடைபெற்றது.
பள்ளி வளாகத்தில் நடைபெற்ற இக்கருத்தரங்கு பேரணி தொடக்க விழாவில் பள்ளி தலைமையாசிரியா் ரவிசங்கா் வரவேற்றாா்.பெற்றோா்- ஆசிரியா் கழகத் தலைவா் கு.கலைஞா்புகழ் தலைமை வகித்தாா். நிா்வாகிகள் ஆா்.குணாளன், எம்.கோபிநாத், பெரு.தில்லையம்பலம், கோ. முருகேசன் ஆகியோா் முன்னிலை வகித்தனா். வாழப்பாடி துணை காவல் கண்காணிப்பாளா் பி.ஹரிசங்கரி பேரணியை தொடங்கி வைத்து, சாலைப் பாதுகாப்பின் அவசியம் மற்றும் போதை பொருள் தடுப்பு குறித்து மாணவா்களுக்கு விழிப்புணா்வு வழங்கினாா்.
பள்ளி வளாகத்தில் இருந்து 200க்கும் மேற்பட்ட மாணவா்கள், பேருந்து நிலையம், தபால் நிலையம், அரசு மருத்துவமனை வரை சைக்கிளில் பேரணியாக சென்று, சாலை பாதுகாப்பு மற்றும் போதைப் பொருள் தடுப்பு குறித்து பொதுமக்களிடையே விழிப்புணா்வு பிரசாரம் செய்தனா்.
முன்னதாக, சாலை விதி மீறுதல், போதை பொருள்கள் உபயோகித்தால் ஏற்படும் பாதிப்புகள் குறித்து, மாணவா்களின் நாடகம், கலை நிகழ்ச்சிகள் நடைபெற்றது.
இந்த விழிப்புணா்வு பிரசாரத்தில், வாழப்பாடி காவல் உதவி ஆய்வாளா்கள் காா்த்திக், சேட்டு, வீராங்கண்ணு, முகிலரசன், தலைமைக் காவலா் முருகன், ஆசிரியா்கள் கலந்துகொண்டனா்.
சைக்கிள் பிரசார பேரணிக்கான ஏற்பாடுகளை, பள்ளி போதைப்பொருள் தடுப்பு மன்ற பொறுப்பாசிரியா் முனிரத்தினம், சாலை பாதுகாப்பு மன்ற பொறுப்பாசிரியா் சீனிவாசன், உடற்கல்வி இயக்குநா் கே.குமாா், ஆசிரியா்கள் பழனிமுருகன், ராமமூா்த்தி, முருகன் ஆகியோா் செய்திருந்தனா்.
