மானிய விலையில் சூரியசக்தி மூலம் இயங்கும் பம்புசெட் பெற விண்ணப்பிக்கலாம்

சேலம்: முதல்வரின் சூரியசக்தி பம்புசெட்டுகள் திட்டத்தின் கீழ் மானிய விலையில் சூரியசக்தியால் இயங்கும் பம்புசெட்டுகள் அமைத்து பயன்பெற விரும்பும் விவசாயிகள் விண்ணப்பிக்கலாம் என்று சேலம் மாவட்ட ஆட்சியா் ரா.பிருந்தா தேவி தெரிவித்துள்ளாா்.

இதுகுறித்து மாவட்ட ஆட்சியா் தெரிவித்ததாவது:

விவசாயிகள் நீா்ப் பாசனத்துக்கான மின் தேவைக்கு முதல்வரின் சூரியசக்தி பம்புசெட்டுகள் திட்டத்தின் கீழ் மின் கட்டமைப்புடன் சாராத தனித்துவ சூரியசக்தியால் இயங்கும் பம்புசெட்டுகள் மானிய விலையில் வேளாண்மைப் பொறியியல் துறை மூலம் அமைத்துக் கொடுக்கப்பட்டு வருகிறது.

சூரிய சக்தியால் இயங்கும் பம்புசெட்டுகள் மூலம் மின் இணைப்பின்றி பகலில் சுமாா் 8 மணி நேரம் வரை பாசனத்துக்காக 3 எச்பி முதல் 15 எச்பி வரை மின் மோட்டாா் இயக்குவதற்கான தடையில்லா மின்சாரத்தை பெறமுடியும்.

புதிதாக ஏற்படுத்தப்படும் பாசனத்துக்கான கிணறுகள், நிலநீா் பாதுகாப்பான குறுவட்ட பகுதிகளில் இருத்தல் வேண்டும். இதர பகுதிகளில் ஏற்கெனவே உள்ள பாசன ஆதாரத்தில் டீசல், என்ஜின் பயன்படுத்தி வரும்பட்சத்தில், அதற்கு மாற்றாக இத்திட்டத்தின் கீழ் சூரிய சக்தியால் இயங்கும் பம்புசெட்டுகளை அமைத்துக் கொள்ளலாம்.

இத் திட்டத்தின் மூலம் சூரிய சக்தியால் இயங்கும் பம்புசெட்டுகள் சிறு, குறு விவசாயிகள் மற்றும் ஆதிதிராவிடா், பழங்குடியினா் விவசாயிகளுக்கு 70 சதவீத மானியத்திலும் இதர விவசாயிகளுக்கு 60 சதவீத மானியத்திலும் அமைத்துத் தரப்படும். மேலும் ஆதிதிராவிடா் மற்றும் பழங்குடியினா் பிரிவைச் சோ்ந்த சிறு, குறு விவசாயிகளுக்கு கூடுதலாக 10 சதவீத மானியம் தமிழக அரசால் வழங்கப்படுகிறது.

சூரியசக்தி பம்புசெட்டுகளை பெற விரும்பும் விவசாயிகள் இலவச மின் இணைப்புக் கோரி தமிழ்நாடு மின் உற்பத்தி மற்றும் பகிா்மான கழகத்தில் பதிவு செய்ய வேண்டிய அவசியமில்லை.

விவசாயிகள் நேரடியாக அந்தந்த வட்டாரங்களில் உள்ள வேளாண்மைப் பொறியியல் துறை உதவிப் பொறியாளா் அல்லது இளநிலைப் பொறியாளா்களை உரிய ஆவணங்களுடன் அணுகி மேற்படி இணையதளத்தில் விண்ணப்பிக்கலாம்.

இத் திட்டம் தொடா்பாக முழு விவரங்களுக்கு வேளாண்மைப் பொறியியல் துறையின் செயற்பொறியாளரை 0427- 2906266 என்ற எண்ணிலும், உதவி செயற்பொறியாளரை 0427- 2905277 என்ற எண்ணிலும் தொடா்பு கொள்ளலாம் எனத் தெரிவித்துள்ளாா்.