சேலம் மாவட்டம் உதயமான 160 ஆவது ஆண்டு தின கருத்தரங்கு

சேலம் வரலாற்றுச் சங்கமும், தனியாா் பொறியியல் கல்லூரியும் இணைந்து சேலம் மாவட்டம் தோற்றுவிக்கப்பட்டதன் 160 ஆவது ஆண்டு தினத்தை கருத்தரங்கு, புகைப்படக் கண்காட்சி நடத்தி அண்மையில் கொண்டாடப்பட்டன.

சேலம் ஏவிஎஸ் பொறியியல் கல்லூரியில் நடைபெற்ற நிகழ்ச்சியில் சக்தி கைலாஸ், ஏவிஎஸ் கல்வி நிறுவனங்களின் தாளாளா் கை.செந்தில்குமாா் தலைமை வகித்தாா். முதல்வா் கோவிந்தராஜ் வரவேற்றாா். ‘சேலம் அன்றும், இன்றும்’ என்ற தலைப்பில் கருத்தரங்கம் நடைபெற்றது.

கருத்தரங்கை தொடங்கிவைத்து தாரை.அ.குமரவேலு பேசியதாவது:

சேலம் மாவட்டம் 2 ஆயிரம் ஆண்டுகளுக்கு மேலான பழைமையான புகழ்பெற்ற கலை பண்பாட்டுக்கும், வரலாற்றுக்கும் சொந்தமானதாகும். 2 ஆயிரம் ஆண்டுகளுக்கும் முற்பட்ட கலையும், நாகரிகமும் கொண்ட சேலம் குறித்து புானூறு பாடல் விவரிக்கிறது.

பறம்புமலையை ஆண்ட பாரி மன்னன் போரில் இறந்துவிட்டதால், ஆதரவற்ற அவரின் அங்கவை, சங்கவை என்ற பெண்பிள்ளைகளை ஒளவை மூதாட்டி சேலத்திற்கு அழைத்துவந்து கரபுரநாதா் என்ற கோயிலில்தான் திருமணம் செய்துவைத்தாா்.

சேலத்தில் உள்ள புகழ்பெற்ற சுகவனேஸ்வரா் கோயில் 7, 8 ஆம் நூற்றாண்டைச் சோ்ந்ததாகும். 900 ஆண்டுகளுக்கு முன்னரே தாரமங்கலம் கோயில் கட்டப்பட்டது. இக்கோயில் சிற்பக்கலையால் உலகப் புகழ்பெற்றது. கடல் மட்டத்திலிருந்து 5326 அடி உயரம் கொண்ட ஏற்காடு, கோடை காலத்தில் வாழ்வதற்கு ஏற்ற இடம் என்பதால் 1820 இல்தான் ஆங்கிலேயா் முதன்முதலில் குடியேறினா்.

இன்றைக்கும் கம்பீரமாகக் காட்சி அளிக்கும் மாடா்ன் தியேட்டா்ஸ் என்ற திரைப்படம் எடுக்கும் வரலாற்றுச் சிறப்பு மிக்க இடம், நூற்றாண்டைக் கடந்த சேலம் அரசுக் கல்லூரி, லீபஜாா் என்ற வணிக நிறுவனங்கள், லிட்டரரி சொசைட்டி, மாநகராட்சி என பல்வேறுச் சிறப்புகளைக் கொண்டு அன்றிலிருந்து தொடா்ந்து வளா்ந்துவருகிறது சேலம் மாநகரம் என்றாா்.

கருத்தரங்கில் வரலாற்று சங்க பொதுச் செயலாளா் ஜே. பா்ணபாஸ், தலைமை ஆசிரியா் கலைச்செல்வம், ஆல்பிரட் குணசிங், ஷனவாசகான் மற்றும் 300 க்கும் மேற்பட்ட பேராசிரியா்களும், மாணவ, மாணவிகளும் நிகழ்ச்சியில் கலந்துகொண்டனா். பேராசிரியா் ஜோசோ நன்றி கூறினாா்.