அரசுப் பள்ளியில் 5 மடிக்கணினிகள் திருட்டு

ஆட்டையாம்பட்டி: பெரியசீரகாபாடி அரசுப் பள்ளியில் தலைமை ஆசியா் அறையின் பூட்டை உடைத்து 5 மடிக்கணினிகளை திருடிச் சென்ற மா்ம நபா்களை போலீஸாா் தேடிவருகின்றனா்.

சேலம் மாவட்டம், அரியானூரை அடுத்த பெரியசீரகாபாடி பகுதியில் அரசு நடுநிலைப்பள்ளி செயல்பட்டு வருகிறது. இப்பள்ளியில் திங்கள்கிழமை மாணவ, மாணவிகளுக்கு காலை உணவு வழங்குவதற்கு சமையலா் முத்துலட்சுமி வந்தபோது, பள்ளித் தலைமை ஆசிரியா் அறையின் பூட்டு உடைக்கப்பட்டிருப்பது தெரியவந்தது.

இதுகுறித்து சமையலா் முத்துலட்சுமி, தலைமை ஆசிரியா் நாகராஜுக்கு தகவல் தெரிவித்தாா். அதன்பேரில் அவா் வந்து பாா்வையிட்டாா். பின்னா் ஆட்டையாம்பட்டி காவல் நிலையத்திற்கு தகவல் தெரிவித்தாா். இதையடுத்து தடயவியல் நிபுணா்களை வரவழைத்து போலீஸாா் தடயங்களை சேகேரித்தனா்.

இதில் பள்ளி பீரோவில் இருந்த 5 மடிக்கணினி, ஒரு மானிட்டா் உள்ளிட்ட பொருள்கள் திருடப்பட்டது தெரியவந்தது. இதுகுறித்த போலீஸாா் தீவிர விசாரணை நடத்தி வருகின்றனா்.