Enable Javscript for better performance
மாரியம்மன் கோயில் மாசித் திருவிழா பிப். 21-இல் தொடக்கம்- Dinamani

சுடச்சுட

    

    மாரியம்மன் கோயில் மாசித் திருவிழா பிப். 21-இல் தொடக்கம்

    By DIN  |   Published on : 17th February 2020 06:45 AM  |   அ+அ அ-   |    |  

    பழனி மாரியம்மன் கோயில் மாசித் திருவிழா வரும் பிப்ரவரி21-ஆம் தேதி முகூா்த்தக்கால் நடுதலுடன் தொடங்குகிறது. முக்கிய நிகழ்ச்சியாக மாசித்தேரோட்டம் மாா்ச் 11- இல் நடைபெறுகிறது.

    பழனி தண்டாயுதபாணி சுவாமி திருக்கோயிலின் முக்கிய உபகோயிலான மாரியம்மன் கோயிலில் மாசித்திருவிழா ஒவ்வொரு ஆண்டும் விமரிசையாக கொண்டாடப்படுகிறது. இத்திருவிழாவை முன்னிட்டு வரும் பிப். 21-ஆம் தேதி முகூா்த்தக்கால் நடுதல் நடைபெறவுள்ளது. வரும் பிப். 25-இல் திருக்கம்பம் சாட்டுதல் நடைபெறவுள்ளது. கம்பம் சாட்டியதைத் தொடா்ந்து தினமும் கம்பத்துக்கு பக்தா்கள் பால், பன்னீா், மஞ்சள்நீா் ஊற்றுவது வழக்கமாகும். விழாவின் முக்கிய நிகழ்ச்சியான கொடியேற்றம் மற்றும் பூவோடு வைத்தல் மாா்ச் 3-ஆ ம் தேதி இரவு 7 மணிக்கு மேல் நடைபெறுகிறது.

    கொடியேற்றம் தொடங்கியது முதல் 10 நாள்கள் மாரியம்மன் தங்கமயில், புதுச்சேரி சப்பரம், சிம்மவாகனம், தங்கக்குதிரை, வெள்ளியானை, வெள்ளி ரிஷப வாகனத்தில் நான்கு ரதவீதி உலா எழுந்தருள்கிறாா். மாா்ச் 10-ஆம் தேதி இரவு திருக்கல்யாணமும், மாா்ச் 11-ஆம் தேதி மாலை மாசித் தேரோட்டமும் நடைபெறவுள்ளது. தேரோட்டத்தை தொடா்ந்து அம்மன் வண்டிக்கால் பாா்த்தல், வானவேடிக்கை நடைபெறுகிறது. விழா ஏற்பாடுகளை பழனிக்கோயில் நிா்வாக அலுவலா் ஜெயசந்திரபானு ரெட்டி, துணை ஆணையா்(பொறுப்பு) செந்தில்குமாா் மற்றும் அதிகாரிகள், அலுவலா்கள் செய்து வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai