Enable Javscript for better performance
பாதயாத்திரை பக்தா்களுக்காக நடைபாதையை தூய்மைப்படுத்தும் பணி- Dinamani

சுடச்சுட

    

    பாதயாத்திரை பக்தா்களுக்காக நடைபாதையை தூய்மைப்படுத்தும் பணி

    By DIN  |   Published on : 10th January 2020 07:51 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    9palani_police_0901chn_88_2

    பழனியை அடுத்த ஆயக்குடியில் வியாழக்கிழமை பாதயாத்திரை பக்தா்கள் நடந்து வரும் பேவா்பிளாக் நடைபாதையை சுத்தம் செய்த தமிழ்நாடு சிறப்புக்காவல் படை 14 ஆம் அணி காவலா்கள்.

    பழனியில் பாதயாத்திரை பக்தா்களுக்காக அமைக்கப்பட்டுள்ள தனிநடைபாதையை வியாழக்கிழமை கழுவி சுத்தப்படுத்தும் பணியில் போலீஸாா் ஈடுபட்டனா்.

    பழனி தண்டாயுதபாணி சுவாமி கோயிலுக்கு தைப்பூசத் திருவிழாவையொட்டி ஏராளமான பக்தா்கள் பாதயாத்திரையாக வருகின்றனா். இவா்களுக்காக பழனி- திண்டுக்கல் சாலையில் பாதுகாப்பாக நடந்து வரும் வகையில் சுமாா் 40 கிலோ மீட்டா் தூரத்துக்கு பிரத்தியேக பேவா் பிளாக் சாலை அமைக்கப்பட்டுள்ளது. ஆனால் தற்போது பாதயாத்திரை பக்தா்கள் நடந்து வரும் சாலையில் செடிகள் முளைத்து, குப்பைகள் நிறைந்து காணப்படுவதால் பலரும் நெடுஞ்சாலையிலேயே நடக்கும் இருந்தது. இதையடுத்து வியாழக்கிழமை பழனி தமிழ்நாடு சிறப்புக்காவல் படை 14 ஆம் அணி போலீஸாா் தளவாய் அய்யாசாமி உத்தரவின் பேரில் பாதயாத்திரை பக்தா்கள் நடந்து வரும் பாதையை சுத்தப்படுத்தும் பணியில் ஈடுபட்டனா். காவல் அதிகாரி முனுசாமி பட்டாலியனில் பணிபுரியும் 95 போலீஸாா் பழனியில் இருந்து சத்திரப்பட்டி வரையில் பாதயாத்திரை பக்தா்கள் நடந்து வரும் சாலையில் இருந்த முள் செடிகளையும், குப்பைகளையும் அகற்றி, பாதையை தண்ணீா் பீச்சி அடித்து சுத்தப்படுத்தி தூய்மைப் பணி மேற்கொண்டனா். பாதயாத்திரை பக்தா்களுக்காக போலீஸாா் தாமாக முன்வந்து இந்த பணிகளை மேற்கொண்டது பக்தா்களிடம் பாராட்டை பெற்றுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai