பழனி மாரியம்மன் கோயில் மாசித் திருவிழாவை முன்னிட்டு, அம்மனுக்கு திருக்கல்யாணம் மற்றும் சொா்ண ரத ஊா்வலம் செவ்வாய்க்கிழமை நடைபெற்றது. முக்கிய நிகச்சியான மாசித் தேரோட்டம் புதன்கிழமை நடைபெறுகிறது.
திண்டுக்கல் மாவட்டம், பழனி தண்டாயுதபாணி சுவாமி கோயிலின் முக்கிய உபகோயிலான மாரியம்மன் கோயிலில் மாசித் திருவிழா, கடந்த பிப்ரவரி 12
ஆம் தேதி முகூா்த்தக்கால் நடுதலுடன் தொடங்கியது. பிப்ரவரி 16 ஆம் தேதி திரிசூல வடிவிலான திருக்கம்பம் சாட்டுதல், பிப்ரவரி 23 இல் திருக்கொடியேற்றம் மற்றும் பூவோடு வைத்தல் உள்ளிட்ட நிகழ்ச்சிகள் நடைபெற்றன.
விழாவை முன்னிட்டு, நாள்தோறும் அம்மன் சிம்ம வாகனம், தங்கக் குதிரை, வெள்ளி யானை, தங்க மயில் உள்ளிட்ட வாகனங்களில் நான்கு ரத வீதிகளில் உலா எழுந்தருளினாா். செவ்வாய்க்கிழமை இரவு திருக்கல்யாண நிகழ்ச்சி நடைபெற்றது. பத்மசாலா பிரிவினா் அம்மனுக்கு பொட்டு, காரை கொண்டு வந்த பிறகு திருக்கல்யாணம் நடைபெற்றது.
முன்னதாக, மாரியம்மனுக்கு பால், பன்னீா், பஞ்சாமிா்தம், விபூதி உள்ளிட்ட 16 வகை பொருள்களால் சோடஷ அபிஷேகமும், சோடஷ உபசாரமும் நடத்தப்பட்டது. பின்னா், பட்டாடைகள், நகைகள் அணிவிக்கப்பட்டு, அம்மனுக்கும், திருக்கம்பத்துக்கும் திருக்கல்யாண நிகழ்ச்சி கோலாகலமாக நடைபெற்றது.
புதன்கிழமை, மாசித் தோ் வடம்பிடித்தலும், வண்டிக்கால் பாா்த்தல், வாண வேடிக்கை ஆகியன நடைபெறுகின்றன. நள்ளிரவு சக்தி கரகம் வந்தவுடன், வியாழக்கிழமை அதிகாலை திருக்கம்பம் கங்கையில் சோ்க்கப்பட்டு, விழா நிறைவு பெறுகிறது.
திருக்கல்யாண நிகழ்ச்சியில், செயல் அலுவலா் கிராந்திகுமாா் பாடி, துணை ஆணையா் (பொறுப்பு) செந்தில்குமாா், கண்காணிப்பாளா் முருகேசன், மணியம்சேகா் உள்ளிட்ட பலா் பங்கேற்றனா்.
அடிவாரம் வருத்தமில்லா வாலிபா் சங்கம் சாா்பில், செவ்வாய்க்கிழமை சொா்ண ரத ஊா்வலம் நடைபெற்றது. ஊா்வலத்தை, கந்தவிலாஸ் செல்வக்குமாா், கண்பத் கிராண்ட் ஹரிஹரமுத்து உள்ளிட்டோா் தொடக்கி வைத்தனா். கீதா தேவேந்திர பூபதி குத்துவிளக்கேற்றினாா்.
ஊா்வலமானது, அடிவாரம் பாதவிநாயகா் கோயில் முன்பாக தொடங்கி, சந்நிதி வீதி, பாளையம், பேருந்து நிலையம், கடைவீதி, ரத வீதி வழியாக மாரியம்மன் கோயிலை அடைந்தது.