கொடைக்கானலில் கோடை விழா வியாழக்கிழமையுடன் நிறைவுற்றது.
கொடைக்கானலில் கோடை விழாவும், மலா் கண்காட்சியும் கடந்த மே 24-ஆம் தேதி தொடங்கியது. பிரையன்ட் பூங்காவில் தொடங்கிய மலா் கண்காட்சியானது, தொடா்ந்து 6 நாள்கள் நடைபெற்று, கடந்த மாதம் 29-ஆம் தேதியுடன் நிறைவுற்றது.
இதையொட்டி, மாவட்ட நிா்வாகம் சாா்பில் பல்வேறு விளையாட்டுப் போட்டிகள் நடத்தப்பட்டன. சுற்றுலாப் பயணிகளைக் கவரும் வகையில், பல்வேறு கலைநிகழ்ச்சிகளும் நடைபெற்றன.
இந்நிலையில், தொடா்ந்து நடைபெற்று வந்த கோடை விழா ஜூன் 2 ஆம் தேதி பிரையன்ட் பூங்காவில் கலை நிகழ்ச்சிகளுடன் நிறைவுற்றது. இதில், மயிலாட்டம், கரகாட்டம், ஒயிலாட்டம் உள்ளிட்டவை நடைபெற்றன.
இந்நிகழ்ச்சிக்கு, திண்டுக்கல் மாவட்ட ஆட்சியா் ச. விசாகன் தலைமை வகித்துப் பேசியதாவது: கொடைக்கானல் கோடை விழா மற்றும் மலா் கண்காட்சியை கடந்த 29-ஆம் தேதி வரை 56 ஆயிரம் போ் பாா்வையிட்டுள்ளனா். இதன்மூலம், ரூ. 19 லட்சம் வருவாய் கிடைத்துள்ளது.
கொடைக்கானலில் வாகன நெரிசல் அதிகரித்து வருகிறது. இவற்றைத் தவிா்ப்பதற்காக, வாகனங்கள் நிறுத்தம் அமைப்பதற்கு நடவடிக்கை எடுக்கப்படும் என்றாா்.
தொடா்ந்து, பல்வேறு துறைகளின் அதிகாரிகளுக்கும், போட்டியில் வெற்றி பெற்றவா்களுக்கும் பரிசு வழங்கினாா். கோடை விழாவின்போது நடைபெற்ற படகு அலங்காரப் போட்டியில் முதலிடம் பெற்ற கொடைக்கானல் ஊராட்சி ஒன்றியத்துக்கு முதல் பரிசும், தோட்டக்கலைத் துறைக்கு இரண்டாம் பரிசும், மீன்வளத் துறைக்கு 3-ஆம் பரிசும் ஆட்சியா் வழங்கினாா்.
நிறைவு நாள் நிகழ்ச்சியில், கொடைக்கானல் வருவாய் கோட்டாட்சியா் முருகேசன் முன்னிலை வகித்தாா். இதில், தோட்டக்கலை துணை இயக்குநா் பாண்டியராஜன், கொடைக்கானல் நகா்மன்ற துணைத் தலைவா் மாயக்கண்ணன், நகா்மன்ற உறுப்பினா் அப்பாஸ் மற்றும் பல்வேறு துறைகளைச் சோ்ந்த அதிகாரிகள், அலுவலா்கள் கலந்துகொண்டனா்.
முன்னதாக, கொடைக்கானல் நகா்மன்றத் தலைவா் செல்லத்துரை வரவேற்றாா். சுற்றுலா அலுவலா் நவராஜ் நன்றி கூறினாா்.