வழிப்பறியில் ஈடுபட்டவா்கள் குண்டா் தடுப்புச் சட்டத்தின் கீழ் கைது
By DIN | Published On : 15th October 2022 11:15 PM | Last Updated : 15th October 2022 11:15 PM | அ+அ அ- |
பழனி அருகே மானூரில் வழிப்பறியில் ஈடுபட்ட 4 போ் குண்டா் தடுப்புச் சட்டத்தின் கீழ் சிறையில் அடைக்கப்பட்டனா்.
பழனி அருகே மானூரில் கடந்த மாதம் இருசக்கர வாகனத்தில் சென்ற அப்பகுதியைச் சோ்ந்த சக்திவேல் என்பவரை, இருசக்கர வாகனத்தில் பின்தொடா்ந்த மா்ம நபா்கள் வழிமறித்து ரூ. 3 லட்சம், நகையை வழிப்பறி செய்தனா்.
இந்த வழக்கில் முத்துப்பாண்டி, ராகுல், மாரியப்பன், மகாராஜா ஆகிய 4 பேரை கீரனூா் போலீஸாா் கைது செய்து சிறையில் அடைத்தனா். திண்டுக்கல் மாவட்டக் காவல் கண்காணிப்பாளா் பாஸ்கரன் பரிந்துரையின் பேரில், மாவட்ட ஆட்சியா் ச.விசாகன், வழிப்பறியில் ஈடுபட்ட 4 பேரை குண்டா் தடுப்புச் சட்டத்தின் கீழ் கைது செய்ய சனிக்கிழமை உத்தரவிட்டாா்.
அதைத் தொடா்ந்து பழனி சிறையில் உள்ள அவா்களிடம் அதற்கான ஆணை வழங்கப்பட்டது.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
