சாா்பதிவக கிராம எல்லை மறுசீரமைப்பு: நவ. 4- இல் கருத்துக் கேட்புக் கூட்டம்

 திண்டுக்கல் மாவட்டத்தில் சாா்பதிவக கிராம எல்லை மறு சீரமைப்பு தொடா்பான கருத்துக் கேட்புக் கூட்டம் நவ. 4 ஆம் தேதி நடைபெறும் என தெரிவிக்கப்பட்டது.

 திண்டுக்கல் மாவட்டத்தில் சாா்பதிவக கிராம எல்லை மறு சீரமைப்பு தொடா்பான கருத்துக் கேட்புக் கூட்டம் நவ. 4 ஆம் தேதி நடைபெறும் என தெரிவிக்கப்பட்டது.

இதுதொடா்பாக மாவட்ட ஆட்சியா் ச. விசாகன் தெரிவித்திருப்பதாவது: தமிழகத்தில், பதிவுத்துறை வருவாய் மாவட்டத்துடன் பொருந்தும் வகையில் ஒரு வருவாய் கிராமம் முழுவதையும் ஒரே சாா்பதிவக எல்லைக்குள் கொண்டு வரப்படும் என சட்டப் பேரவையில் அறிவிக்கப்பட்டது. சில சாா்பதிவக எல்லைகளில் ஒரு முக்கிய வருவாய் கிராமம் ஒரு சாா்பதிவாளா் அலுவலகத்திலும், அதே வருவாய் கிராமத்திற்குள்பட்ட குக்கிராமம் மற்றொரு சாா் பதிவாளா் அலுவலகத்திலும் அமைந்துள்ளன. இதனால், தானியங்கி பட்டா மாற்றம் போன்ற பதிவுத்துறை - வருவாய்துறை ஒருங்கிணைந்த செயல்பாடுகளுக்கு இடையூறாக உள்ளது. இதற்கு தீா்வு காணும் நோக்கில், ஒரு வருவாய் கிராமம் முழுவதையும் ஒரே சாா்பதிவக எல்லைக்குள் கொண்டு வருவதற்கான நடவடிக்கைகள் மேற்கொள்ளப்படவுள்ளன. அதன்படி, திண்டுக்கல் வருவாய் மாவட்டத்துக்குள்பட்ட திண்டுக்கல், பழனி பதிவு மாவட்டங்களில் மறுசீரமைக்கப்பட வேண்டிய கிராமங்களின் பட்டியல் மதுரை துணைப்பதிவுத் துறைத் தலைவா் அலுவலகம், மாவட்டப் பதிவாளா் அலுவலகங்கள் (திண்டுக்கல், பழனி) மற்றும் அனைத்து சாா் பதிவாளா் அலுவலகங்களிலும் அறிவிப்பு செய்யப்பட்டுள்ளது.

இந்த சாா் பதிவக கிராம எல்லை மறுசீரமைப்பு தொடா்பாக பொதுமக்கள் கருத்து கேட்புக் கூட்டம் நவ. 4-ஆம் தேதி நடைபெறவுள்ளது. மாவட்ட ஆட்சியா் தலைமையில் இதற்கான கூட்டம் மாவட்ட ஆட்சியா் அலுவலகக் கூட்ட அரங்கில் நடைபெறவுள்ளது. எனவே, சம்பந்தப்பட்ட கிராம மக்கள், கூட்டத்தில் பங்கேற்று தங்களது கருத்துக்களை தெரிவிக்கலாம் என அவா் தெரிவித்துள்ளாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com