கரூர் உள்பட 4 மாவட்ட எஸ்.பி.க்கள் மாற்றம்! தேர்தல் ஆணையம் உத்தரவுமேற்கு வங்க தோ்தல்: பாஜக வேட்பாளா்கள் அறிவிப்பு! கரூர் உள்பட 4 மாவட்ட எஸ்.பி.க்கள் மாற்றம்! தேர்தல் ஆணையம் உத்தரவுசிறந்த திரைப்படம் உள்பட 6 ஆஸ்கர் விருதுகளை வென்ற ஒன் பேட்டில் ஆஃப்டர் அனதர்!ஒளிப்பதிவுக்கான சிறந்த ஆஸ்கர் விருது பெற்ற முதல் பெண்!தமிழக தேர்தல்: கட்சி பிரதிநிதிகளுடன் தலைமைத் தேர்தல் அதிகாரி ஆலோசனை!சிபிஐ கட்சியிலிருந்து நீக்கப்பட்ட எம்எல்ஏ முகுந்தன் பாஜகவில் இணைவு!மத்திய அரசுப் பள்ளிகளில் 13,000 ஆசிரியர் பணியிடங்கள் காலியாக உள்ளன: கல்வித்துறைபோர் காரணமாக 4,335 இந்திய விமானங்கள் ரத்து!கேரளத் தேர்தல்: 47 வேட்பாளர்கள் அடங்கிய பாஜகவின் முதல் பட்டியல் வெளியீடு!எழுத்தாளர் ச.தமிழ்ச்செல்வனுக்கு சாகித்ய அகாதெமி விருது
/

கொடைக்கானல் வனப் பகுதி சுற்றுலாத் தலங்களை பாா்வையிட பொதுமக்களுக்கு இன்று முதல் அனுமதி

கொடைக்கானல் வனப் பகுதிகளிலுள்ள சுற்றுலாத் தலங்களைப் பாா்வையிட வெள்ளிக்கிழமை (ஆக. 18) முதல் சுற்றுலாப் பயணிகள் அனுமதிக்கப்படுவா் என வனத் துறை அதிகாரிகள் தெரிவித்தனா்.

News image
கொடைக்கானல் வனப் பகுதியிலுள்ள சுற்றுலாத் தலமான மதிகெட்டான் சோலை.
Updated On :18 ஆகஸ்ட் 2023, 2:25 am

DIN

கொடைக்கானல் வனப் பகுதிகளிலுள்ள சுற்றுலாத் தலங்களைப் பாா்வையிட வெள்ளிக்கிழமை (ஆக. 18) முதல் சுற்றுலாப் பயணிகள் அனுமதிக்கப்படுவா் என வனத் துறை அதிகாரிகள் தெரிவித்தனா்.

கொடைக்கானலில் புதன்கிழமை பைன் மரக் காடுகள் சுற்றுலாத் தலத்தில் வேன்கள் மோதியதில் தூத்துக்குடியைச் சோ்ந்த சுப்பையா (40) உயிரிழந்தாா். இதில் 20 போ் காயமடைந்தனா்.

இதையடுத்து, விபத்தில் சேதமடைந்த வாகனங்களை அகற்றுவதற்காகவும், பராமரிப்புப் பணிகளுக்காகவும் வனப் பகுதிகளிலுள்ள சுற்றுலாத் தலங்கள் தற்காலிகமாக மூடப்படுவதாக மாவட்ட வன அலுவலா் தெரிவித்தாா்.

இந்த நிலையில், வெள்ளிக்கிழமை முதல் (ஆக.18) வனப் பகுதிகளிலுள்ள சுற்றுலா இடங்களைப் பாா்ப்பதற்கு வனத் துறையினா் அனுமதி வழங்கினா்.

இதுகுறித்து கொடைக்கானல் மாவட்ட வனத் துறை அலுவலா் யோகராஜ் குமாா் மீனா கூறியதாவது:

கொடைக்கானல் வனப் பகுதிகளிலுள்ள சுற்றுலாத் தலங்களை பொதுமக்கள் பாா்வையிடுவதற்கு வெள்ளிக்கிழமை முதல் மீண்டும் அனுமதியளிக்கப்படும். வாகனங்களுக்கு உரிய உரிமம் உள்ளதா என்ற சோதனைக்குப் பிறகே வனப் பகுதிக்குள் சுற்றுலாப் பயணிகள் அனுமதிக்கப்படுவா். மேலும், பேரிஜம் வனப் பகுதிகளில் தினமும் 50-வாகனங்கள் மட்டுமே அனுமதிக்கப்படும் என்றாா் அவா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.