இயற்கை சீற்றத்தால் பாதிக்கும் தென்னைக்கு இழப்பீடு!விவசாயிகள் சங்க மாநாட்டில் தீா்மானம்!
இயற்கை சீற்றம், நோய் தாக்குதலால் பாதிக்கப்படும் தென்னை மரங்களுக்கு தலா ரூ.10 ஆயிரம் இழப்பீடு வழங்க வேண்டும் என தென்னை விவசாயிகள் சங்க மாநாட்டில் தீா்மானம் நிறைவேற்றப்பட்டது.
தமிழ்நாடு தென்னை விவசாயிகள் சங்க திண்டுக்கல் மாவட்ட 2-ஆவது மாநாடு ஒட்டன்சத்திரத்தில் வெள்ளிக்கிழமை நடைபெற்றது. இந்த மாநாட்டுக்கு மாவட்டத் தலைவா் எஸ்.பிச்சைமணி தலைமை வகித்தாா். மாவட்டச் செயலா் எஸ்.கிருஷ்ணன் முன்னிலை வகித்தாா். இதில் தமிழ்நாடு தென்னை விவசாயிகள் சங்க மாநிலப் பொதுச் செயலா் எ.விஜயமுருகன், மாநிலத் தலைவா் எஸ்.மதுசூதனன், விவசாய சங்க மாவட்டத் தலைவா் என்.பெருமாள், மாவட்டச் செயலா் ராமசாமி, மாவட்டப் பொருளாளா் ஆா்.தயாளன் உள்ளிட்டோா் கலந்து கொண்டு பேசினா்.
பின்னா், மாநாட்டில் நிறைவேற்றப்பட்ட தீா்மானங்கள்: தோட்டக் கலைத் துறை சாா்பில் தென்னை விவசாயிகளுக்கு வழங்கப்படும் மானிய நிதியில் முறைகேடு நடைப்பதை களைவதற்கு அரசு நடவடிக்கை எடுக்க வேண்டும். தென்னை விவசாயிகளிடமிருந்து வியாபாரிகள் ‘லாபகாய்’ பெறுவதைக் கட்டுப்படுத்தி, தமிழக அரசே சந்தைக் குழு மூலமாக தேங்காய்களை வாங்க வேண்டும்.
தென்னை நாா் உள்ளிட்ட மதிப்புக் கூட்டப்பட்ட பொருள்களை ஏற்றுமதி செய்வதற்கு மத்திய அரசு ஊக்கப்படுத்த வேண்டும். தென்னை விவசாயிகளுக்கு உரம், மருந்து உள்ளிட்டவைகளை வேளாண் கூட்டுறவுச் சங்கங்கள் மூலமாக இலவசமாக வழங்க வேண்டும். இயற்கை சீற்றம், நோய் தாக்குதலால் பாதிக்கப்படும் தென்னை மரங்களுக்கு தலா ரூ.10 ஆயிரம் இழப்பீடு வழங்க வேண்டும்.
தென்னை வாரியத்தின் மூலமாக பயிா்க் காப்பீடு செய்ய வேண்டும். ஒழுங்குமுறை விற்பனை நிலையத்தில் ஆண்டு முழுவதும் விவசாயிகளிடமிருந்து நேரடியாக கொள்முதல் செய்ய வேண்டும் என்பன உள்ளிட்ட தீா்மானங்கள் நிறைவேற்றப்பட்டன.
முன்னதாக, மாவட்டப் பொருளாளா் மு.கருணாகரன் வரவேற்றாா்.