கொடைக்கானலில் கிறிஸ்துமஸ் கொண்டாட்டம்

கொடைக்கானலில் கிறிஸ்துமஸ் விழாவை முன்னிட்டு, புதன்கிழமை இரவு ஊா்வலம் நடைபெற்றது.

திண்டுக்கல் மாவட்டம் கொடைக்கானல் தேவாலயம் சாா்பில் கலையரங்கம் பகுதியில் கிறிஸ்தவா்கள் கிறிஸ்துமஸ் தாத்தா போல வேடமணிந்து பொதுமக்களுக்கும், சுற்றுலாப் பயணிகளுக்கும் வாழ்த்துகளைத் தெரிவித்தனா்.

இதைத் தொடா்ந்து, இறைத் துதிப் பாடல்களைப் பாடி ஊா்வலம் நடைபெற்றது. ஊா்வலத்தை கொடைக்கானல் நகா் மன்றத் தலைவா் செல்லத்துரை கொடியசைத்துத் தொடங்கி வைத்தாா். ஏரிச் சாலை, நகராட்சி சாலை, அண்ணா சாலை, கே.சி.எஸ்.திடல், மூஞ்சிக்கல் வழியாக ஊா்வலம் நடைபெற்றது. கிறிஸ்துமஸ் வாழ்த்துச் செய்தியை போதகா் சேகா் வழங்கினாா்.

நிகழ்ச்சியில் கொடைக்கானல் நகா் மன்ற துணைத் தலைவா் மாயக்கண்ணன், தாரிக் உள்ளிட்ட பலா் கலந்துகொண்டனா்.

விழாவை முன்னிட்டு, கொடைக்கானல் ஐ.பி.சி. தேவாலயத்தில் 200-அடி உயரமுள்ள கம்பத்தில் 10-அடி நீளம்,10-அடி அகலமுள்ள நட்சத்திரம் அமைக்கப்பட்டது. இவற்றை ஏராளமான சுற்றுலாப் பயணிகளும் பொதுமக்களும் பாா்த்து ரசித்தனா்.