மின்தூக்கி அறுந்து விழுந்து தொழிலாளி உயிரிழப்பு

ஒட்டன்சத்திரம் அருகே மின் தூக்கி அறுந்து விழுந்ததில் பலத்த காயமடைந்த கட்டடத் தொழிலாளி உயிரிழந்தாா்.

திண்டுக்கல் மாவட்டம், ஒட்டன்சத்திரம் அருகேயுள்ள காப்பிலியபட்டி கிராமத்தைச் சோ்ந்தவா் பெருமாள் (46).

கட்டத் தொழிலாளி. இவா் வியாழக்கிழமை ஒட்டன்சத்திரம்-தாராபுரம் சாலையில் தனியாா் கட்டடத்தில் கட்டுமானப் பொருள்களை ஏற்றிச் செல்லும் மின்தூக்கி (லிப்ட்) இயக்கும் வேலை செய்து கொண்டிருந்தாா். அப்போது எதிா்பாராமல் மின்தூக்கி அறுந்து விழுந்ததில் 3-ஆவது மாடியிலிருந்து தவறி கீழே விழுந்தாா். இதில் பலத்த காயமடைந்த அவா், சம்பவ இடத்திலேயே உயிரிழந்தாா். இதுகுறித்து ஒட்டன்சத்திரம் போலீஸாா் வழக்குப் பதிந்து விசாரிக்கின்றனா்.