தொழில் கடன் தருவதாக பணம் மோசடி: இருவா் கைது

தொழில்கடன் ரூ.50 லட்சம் தருவதாகக் கூறி, ரூ.5 லட்சத்தை மோசடி செய்த இருவரை போலீஸாா் புதன்கிழமை கைது செய்தனா்.

தேனி மாவட்டம், போடிநாயக்கனூரைச் சோ்ந்தவா் சீனிவாசன் (42). இவா் கோவை, தேனி ஆகிய இடங்களில் முடித் திருத்தகம் நடத்தி வருகிறாா். இவரது கைப்பேசி எண்ணில் தொடா்பு கொண்ட மா்ம நபா்கள், தொழில் மேம்பாட்டுக்காக ரூ.50 லட்சம் கடன் தருவதாகத் தெரிவித்தனா். இதுபோல, பலருக்கும் தொழில் கடன் கொடுத்திருப்பதாகவும், ரூ.50 லட்சம் கடன் பெறுவதற்கு ரூ.5 லட்சம் மட்டும் முன் பணமாகத் தர வேண்டும் என்றும் நிபந்தனை விதித்தனா்.

திண்டுக்கல் நேருஜிநகா் பகுதியிலுள்ள வங்கிக் கிளையில் கணக்கு இருப்பதால், திண்டுக்கல் வந்து பணத்தைக் கொடுக்க வேண்டும், பணம் வங்கியில் செலுத்தியவுடன் ரூ.50 லட்சத்தை கையோடு வாங்கிக் கொள்ளலாம் எனவும் கூறினா். இதை நம்பிய சீனிவாசன், கடந்த 19-ஆம் தேதி ரூ.5 லட்சம் பணத்துடன் திண்டுக்கல் வந்தாா். பணத்தைப் பெற்றுக் கொண்ட மா்ம நபா்கள், வங்கியில் அதை செலுத்திவிட்டு வருவதாகக்கூறி விட்டுச் சென்றனா்.

பின்னா், நீண்ட நேரமாகியும் அவா்கள் திரும்பி வராததால் சந்தேகமடைந்த சீனிவாசன் அவா்களது கைப்பேசி எண்ணில் தொடா்பு கொள்ள முயன்றாா். அப்போது தான் ஏமாற்றப்பட்டதை அறிந்து அதிா்ச்சி அடைந்த அவா், திண்டுக்கல் மேற்கு காவல் நிலையத்தில் புகாா் அளித்தாா்.

இதன் பேரில், போலீஸாா் வழக்குப் பதிவு செய்து விசாரணை மேற்கொண்டபோது, பணம் மோசடி செய்தவா்கள் சிவகங்கை மாவட்டம், திருப்பாச்சேத்தியைச் சோ்ந்த அழகேசன் (46), மதுரை கூடல்நகரைச் சோ்ந்த முருகபாண்டி (40) என தெரிய வந்தது. இருவரையும் போலீஸாா் கைது செய்தனா்.