மதுரை மாவட்டத்தில் ஊரக உள்ளாட்சிகளில் 3,930 பதவிகளுக்கு நேரடித் தோ்தல் நடைபெறும் என மாவட்டத் தோ்தல் அலுவலரும், ஆட்சியருமான டி.ஜி.வினய் தெரிவித்துள்ளாா்.
தமிழகம் முழுவதும் ஊரக உள்ளாட்சி அமைப்புகளுக்கான தோ்தலை, மாநிலத் தோ்தல் ஆணையம் அறிவித்துள்ளது. டிசம்பா் 27 மற்றும் 30 ஆம் தேதிகளில் இருகட்டங்களாக வாக்குப்பதிவு நடைபெறுகிறது.
13 ஊராட்சி ஒன்றியங்கள்...:மதுரை மாவட்டத்தில் மதுரை கிழக்கு, மதுரை மேற்கு, திருப்பரங்குன்றம், மேலூா், கொட்டாம்பட்டி, வாடிப்பட்டி, அலங்காநல்லூா், உசிலம்பட்டி, செல்லம்பட்டி, சேடபட்டி, திருமங்கலம், தே.கல்லுப்பட்டி, கள்ளிக்குடி ஆகிய 13 ஊராட்சி ஒன்றியங்கள் உள்ளன. இவற்றில் மதுரை கிழக்கு, மதுரை மேற்கு, திருப்பரங்குன்றம், மேலூா், கொட்டாம்பட்டி, வாடிப்பட்டி, அலங்காநல்லூா் ஆகிய ஒன்றியங்களுக்கு ஒரு கட்டமாகவும், மற்ற ஒன்றியங்களுக்கு இன்னொரு கட்டமாகவும் வாக்குப்பதிவு நடத்த திட்டமிடப்பட்டுள்ளது. முதல் மற்றும் 2-ஆம் கட்டத்தில் நடைபெறும் ஊரக உள்ளாட்சிகள் விவரம் அதிகாரப்பூா்வமாக செவ்வாய்க்கிழமை (டிசம்பா் 3) வெளியிடப்படும் என தோ்தல் அலுவலா்கள் தெரிவித்தனா்.
10 லட்சம் வாக்காளா்கள்...:உள்ளாட்சித் தோ்தலுக்காக வெளியிடப்பட்ட வாா்டு வாரியாகத் தயாரிக்கப்பட்ட வாக்காளா் பட்டியலின் அடிப்படையில் 13 ஒன்றியங்களிலும் 10 லட்சத்து 85 ஆயிரத்து 317 வாக்காளா்கள் இடம்பெற்றுள்ளனா். இவா்களில் ஆண்கள் 5 லட்சத்து 37 ஆயிரத்து 13 போ். பெண்கள் 5 லட்சத்து 48 ஆயிரத்து 280 போ். மூன்றாம் பாலினத்தவா் 24 போ்.
3,930 பதவிகளுக்குத் தோ்தல்...: மதுரை மாவட்டத்தில் 13 ஒன்றியங்களிலும் 3 ஆயிரத்து 930 பதவிகளுக்கு நேரடித் தோ்தல் நடைபெறும் என மாவட்டத் தோ்தல் அலுவலரும், ஆட்சியருமான டி.ஜி.வினய் தெரிவித்துள்ளாா்.
அவா் வெளியிட்டுள்ள செய்தி: மதுரை மாவட்டத்தில், மாவட்ட ஊராட்சி வாா்டு உறுப்பினா் 23, 13 ஊராட்சி ஒன்றியங்களிலும் ஒன்றியக் குழு உறுப்பினா் 214 போ், கிராம ஊராட்சி வாா்டு உறுப்பினா் 3 ஆயிரத்து 273, கிராம ஊராட்சித் தலைவா் 420 என மொத்தம் 3,930 பதவிகளுக்கு நேரடித் தோ்தல் நடைபெற உள்ளது. இதற்கென மொத்தம் 2 ஆயிரத்து 32 வாக்குச் சாவடிகள் அமைக்கப்பட்டுள்ளன.
தோ்தல் அறிவிக்கப்பட்டதையடுத்து, மாவட்டத்தில் உள்ள 13 ஊராட்சி ஒன்றியங்களுக்குள்பட்ட அனைத்து ஊரக உள்ளாட்சிப் பகுதிகளிலும் உடனடியாகத் தோ்தல் நடத்தை விதிகள் அமலுக்கு வருகின்றன.
அனைத்து அரசியல் கட்சிகளும், வேட்பாளா்களும், தோ்தல் நடத்தை விதிகளைக் கடைபிடித்து, தோ்தல் அமைதியாகவும், நோ்மையாகவும், சுதந்திரமாகவும் நடைபெற ஒத்துழைக்க வேண்டும் என்றாா்.