கோவை மாவட்டம் மேட்டுப்பாளையத்தில் சுவா் இடிந்து விழுந்து உயிரிழந்த 17 பேரின் குடும்பத்தினருக்கு தலா ரூ.25 லட்சம் இழப்பீடு வழங்க வலியுறுத்தி மதுரையில் சாலை மறியலில் ஈடுபட்ட விடுதலைச் சிறுத்தைகள் கட்சியினா் 70 பேரை போலீஸாா் புதன்கிழமை கைது செய்தனா்.
கோவை மாவட்டம் மேட்டுப்பாளையத்தில் சுவா் இடிந்து வீடுகளின் மீது விழுந்ததில் வீடுகளில் உறங்கிக் கொண்டிருந்த 17 போ் உயிரிழந்தனா். இதில் உயிரிழந்தவா்களின் குடும்பத்தினருக்கு தலா ரூ.4 லட்சம் அரசு நிவாரணத்தொகை அறிவிக்கப்பட்டுள்ளது. இந்நிலையில் சுவா் விபத்தில் உயிரிழந்தவா்களின் குடும்பத்தினருக்கு தலா ரூ.25 லட்சம் இழப்பீடு வழங்க வேண்டும், குடும்பத்தினருக்கு அரசு வேலை வழங்க வேண்டும் என்பன உள்ளிட்டக் கோரிக்கைகளை வலியுறுத்தி விடுதலைச் சிறுத்தைகள் கட்சியின் சாா்பில் மறியல் போராட்டம் அறிவிக்கப்பட்டிருந்தது.
இதையடுத்து பெரியாா் பேருந்து நிலையம் அருகே உள்ள கட்டபொம்மன் சிலை பகுதியில் போலீஸாா் பாதுகாப்புப்பணியில் ஈடுபட்டிருந்தனா். இந்நிலையில் விடுதலை சிறுத்தைகள் கட்சியின் மாநகா் மாவட்டச்செயலா் கதிரவன், மக்களவை தொகுதி பொருப்பாளா் பாண்டியம்மாள், மாநில அமைப்பாளா் மோ.எல்லாளன் ஆகியோா் தலைமையில் நூற்றுக்கும் மேற்பட்ட கட்சியினா் ஊா்வலமாகச்சென்று கட்டபொம்மன் சிலை முன்பகுதியில் மறியலில் ஈடுபட்டனா்.
அப்போது போலீஸாா் அவா்களை தடுத்து நிறுத்தினா். இதில் கட்சியினா் சிலா் கட்டபொம்மன் சிலை எதிா்ப்பகுதிக்குச்சென்று சாலை மறியலில் ஈடுபட்டனா். பெரியாா் அருகே இரு சாலைகளிலும் மறியல் நடைபெற்ால் போக்குவரத்து ஸ்தம்பித்தது. இதைத்தொடா்ந்து கூடுதல் போலீஸாா் வரவழைக்கப்பட்டு சாலை மறியலில் ஈடுபட்டவா்களை குண்டு கட்டாகத்தூக்கிச் சென்று கைது செய்தனா். இதனால் போலீஸாா் மற்றும் கட்சியினா் இடையே வாக்குவாதமும் தள்ளுமுள்ளும் ஏற்பட்டது.
இதில் மறியலில் ஈடுபட்ட 5 பெண்கள் உள்பட 70 பேரை போலீஸாா் கைது செய்தனா். சாலை மறியலால் அப்பகுதியில் ஒரு மணி நேரத்துக்கும் மேலாக போக்குவரத்து ஸ்தம்பித்தது.