Enable Javscript for better performance
ஹெச்ஐவி தொற்று ரத்தம் ஏற்றப்பட்ட பெண்ணின் கணவர், மூத்த குழந்தை உயர்நீதிமன்றத்தில் ஆஜராக உத்தரவு- Dinamani

சுடச்சுட

    ஹெச்ஐவி தொற்று ரத்தம் ஏற்றப்பட்ட பெண்ணின் கணவர், மூத்த குழந்தை உயர்நீதிமன்றத்தில் ஆஜராக உத்தரவு

    By DIN  |   Published on : 26th March 2019 07:27 AM  |   அ+அ அ-   |    |  

    ஹெச்ஐவி தொற்று ரத்தம் ஏற்றப்பட்ட விருதுநகர் பெண்ணின் கணவர் மற்றும் மூத்த குழந்தை ஆஜராக சென்னை உயர்நீதிமன்ற மதுரைக்கிளை திங்கள்கிழமை உத்தரவிட்டது.
    மதுரையைச் சேர்ந்த அப்பாசாமி மற்றும் முத்துக்குமார் ஆகியோர் தாக்கல் செய்த மனு:  ஹெச்ஐவி தொற்று ரத்தம் ஏற்றப்பட்ட விருதுநகர் பெண்ணிற்கு முறையான சிகிச்சையும் உரிய இழப்பீடும் வழங்க வேண்டும். 
     ரத்த மாற்று சிகிச்சை மூலமாக ஹெச்ஐவி பரவுவதைத் தடுக்க முறையான நடவடிக்கை எடுக்கவும், ரத்த மாற்று சிகிச்சையை பாதுகாப்பானதாக மேற்கொள்ள தேவையான வசதிகளை அனைத்து அரசு மருத்துவமனைகளில் ஏற்படுத்த வேண்டும்.  தானமாகப் பெறப்படும் ரத்தத்தை பாதுகாப்பானதாகப் பெற முறையான விதிகளை உருவாக்க உத்தரவிட வேண்டும் எனக் குறிப்பிட்டிருந்தனர். 
    இந்த மனு சென்னை உயர்நீதிமன்ற மதுரைக்கிளை நீதிபதிகள் என்.கிருபாகரன், எஸ்.எஸ்.சுந்தர் அமர்வு முன் திங்கள்கிழமை விசாரணைக்கு வந்தது. 
     அப்போது, ஹெச்ஐவி தொற்று ரத்தம் ஏற்றப்பட்ட பெண், நீதிபதிகள் அறையில் ஆஜரானார். அவரிடம் நீதிபதிகள் தனியே விசாரணை நடத்தினர். பின்னர் நீதிபதிகள் பிறப்பித்த உத்தரவு: தனது மூத்த குழந்தையைப் பார்க்க, அவரது கணவர் அனுமதிக்கவில்லை என பாதிக்கப்பட்ட பெண் தெரிவித்துள்ளார். 
     இதனால் அவர் அதிக மனஅழுத்தத்திற்கு ஆளாகி இருப்பது தெரியவருகிறது. அவருக்கு சொந்தமாக வீடு மற்றும் அரசு வேலை வழங்க வேண்டும். அவருக்கான இழப்பீட்டை வைப்புத் தொகையாக வைத்து அதற்கான வட்டிப் பணத்தை எடுத்து பயன்படுத்தும் வகையில் செய்தல் வேண்டும். பாதிக்கப்பட்ட பெண்ணின் கணவர் மற்றும் அவரது மூத்த குழந்தை மார்ச் 27 ஆம் தேதி ஆஜராக உத்தரவிட்டு வழக்கை ஒத்திவைத்தனர்.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp