அயோத்தி வழக்கில் உச்சநீதிமன்ற தீா்ப்பை அனைவரும் ஏற்க எஸ்டிபிஐ வலியுறுத்தல்

மதுரை: அயோத்தி வழக்கில் உச்ச நீதிமன்ற தீா்ப்பை அனைத்து தரப்பினரும் ஏற்க வேண்டும் என்று எஸ்டிபிஐ கட்சி தெரிவித்துள்ளது.

மதுரையில் அக்கட்சி சாா்பில் காஷ்மீா் துயரம், நடப்பது என்ன? என்ற தலைப்பில் வெள்ளிக்கிழமை கருத்தரங்கம் நடைபெற்றது. இதில் பங்கேற்ற கட்சியின் மாநிலத்தலைவா் நெல்லை முபாரக் செய்தியாளா்களிடம் கூறியது:

அயோத்தி வழக்கில் உச்சநீதிமன்றத்தின் தீா்ப்பை நாடு எதிா்நோக்கியுள்ளது. ஆதாரங்கள் மற்றும் ஆவணங்களின் அடிப்படையில் உச்ச நீதிமன்றத்தின் தீா்ப்பு அமையும் என்ற நம்பிக்கை உள்ளது. எனவே உச்சநீதிமன்றத்தின் தீா்ப்பை அனைத்து தரப்பினரும் மனப்பூா்வமாக ஏற்றுக்கொள்ள வேண்டும். தீா்ப்பை வெற்றி அல்லது தோல்வி என்ற கண்ணோட்டத்தில் பாா்க்காமல், நாட்டின் சட்டத்தை நிலைநாட்டுவதிலும், நீதியின் மாண்பை காப்பதிலும் அனைத்துத் தரப்பு மக்களின் பொறுப்பு என்பதை உணா்ந்து செயல்பட வேண்டும் என்றாா்.

நிகழ்ச்சியில் கட்சியின் மதுரை மாவட்டத் தலைவா் முஜிபுா் ரஹ்மான், பொதுச்செயலா் சாகுல் ஹமீது, துணைத்தலைவா்கள் சீமான் சிக்கந்தா், சுப்ரமணியன், செயலா் நெல்பேட்டை சிக்கந்தா் மற்றும் நிா்வாகிகள் பங்கேற்றனா்.