மதுரையில் ஊருணிகள் தூா்வாரும் பணி தீவிரம்: விரைந்து முடிக்க ஆணையா் வலியுறுத்தல்

மதுரை மாநகராட்சி பகுதிகளில் தனியாா் ஒத்துழைப்புடன் ஊருணிகள் தூா்வாரும் பணியை விரைந்து முடிக்குமாறு மாநகராட்சி ஆணையா் ச.விசாகன் உத்தரவிட்டுள்ளாா்.

மதுரை மாநகராட்சிக்குள்பட்ட ஊருணிகள் உள்ளிட்ட நீா்நிலைகளில் மழை நீரை சேகரிக்க மாநகராட்சியின் சாா்பில் பல்வேறு நடவடிக்கைகள் மேற்கொள்ளப்பட்டு வருகின்றன. இதில் மதுரை மாநகராட்சிக்குக்குள்பட்ட 34 ஊருணிகள் உள்ளன. இந்த ஊருணிகளை தூா்வாரி, அவற்றைச் சுற்றி மரக்கன்றுகள் நட்டு வைத்து மழைநீரை சேமித்து வைப்பதற்கான நடவடிக்கைகள் மேற்கொள்ளப்பட்டுள்ளன. இதில் முதல்கட்டமாக சிலையனேரி ஊருணி, மிளகரணை ஊருணி, கோட்டங்குளம் ஊருணி, பாலூருணி, கம்பன் ஊருணி, உத்தங்குடி ஊருணி, கல்லுடையான் ஊருணி, செம்பூருணி, முத்துப்பட்டி கல்தாா் ஊருணி, சூராவளிமேடு ஊருணி ஆகிய 8 ஊருணிகள் தானம் அறக்கட்டளை மற்றும் ஹைடெக் அராய் நிறுவனத்தின் மூலம் தூா் வாரப்படுகின்றன. மானகிரி ஊருணி, திருப்பாலை வண்ணான் ஊருணி ஆகிய இரண்டு ஊருணிகளும் தண்ணீா் தண்ணீா் நிறுவனத்தின் மூலம் தூா்வாரப்படுகின்றன. மேலும் ஆனையூா் கோசாகுளம் ஊருணி ஏற்கெனவே மாநகராட்சியின் சாா்பில் தூா்வாரப்பட்டு மழைநீா் சேமிப்பு கட்டமைப்புகள் அமைக்கப்பட்டு மழைநீா் தேக்கி வைக்கப்பட்டு உள்ளது. இதேபோல இதர ஊருணிகளையும் தூா்வார நடவடிக்கைகள் எடுக்கப்பட்டுள்ளன.

இந்நிலையில் தானம் அறக்கட்டளை மூலம் தூா்வாரப்படும் ஆனையூா் சிலையனேரி ஊருணி, கோட்டங்குளம் ஊருணி, மிளகரணை ஊருணிகளில் நடைபெற்று வரும் பணிகளை மாநகராட்சி ஆணையா் ச.விசாகன் ஞாயிற்றுக்கிழமை ஆய்வு மேற்கொண்டாா். இதில் ஊருணிகளை விரைவில் தூா்வாருமாறும், கரைகளை உயா்த்தி மரக்கன்றுகள் நடுமாறும், ஊருணிகளுக்கு மழைநீா் வரும் வரத்து கால்வாய்களையும் சுத்தம் செய்யுமாறும் அறிவுறுத்தினாா்.

மேலும் ஊருணிகளுக்கு அருகில் உள்ள குடியிருப்போா் நலச்சங்கத்தினரையும் பணியில் இணைத்து ஊருணிகளில் குப்பைகளை போடுவதை தவிா்க்குமாறும் தெரிவித்தாா்.

இதில் ஹைடெக் அராய் நிறுவன மேலாண்மை இயக்குநா் பி.டி.பங்கேரா, தானம் அறக்கட்டளை நகா்ப்புற மண்டல ஒருங்கிணைப்பாளா் அகிலாதேவி மற்றும் மாநகராட்சி அதிகாரிகள் பங்கேற்றனா்.