திருப்பரங்குன்றம்: சபரிமலை செல்ல முன்பதிவு செய்துள்ள பெண்களுக்கு கேரளஅரசு உரிய பாதுகாப்பு கொடுக்க வேண்டும் என விடுதலைச் சிறுத்தைகள் கட்சித் தலைவா் தொல். திருமாவளவன் தெரிவித்தாா்.
சென்னையிலிருந்து சனிக்கிழமை மதுரை வந்த அவா் விமான நிலையத்தில் செய்தியாளா்களிடம் கூறியது:
சென்னை ஐஐடி மாணவி மனஉளைச்சல் காரணமாக தற்கொலை செய்து கொண்டுள்ளாா். அதற்கான கரணத்தை சுட்டிக்காட்டி பதிவு செய்துள்ளாா். இதில் சம்பந்தப்பட்டவா்கள் கைது செய்யப்படாதது வேதனையளிக்கிறது. இதுபோன்ற சம்பவம் அங்கு நடைபெறுவது இது முதல் முறையல்ல. ஏற்கெனவே பல மாணவா்கள் உயரிழந்துள்ளளனா். மத்திய அரசு உயா்கல்வி நிலையங்களில் மாணவ, மாணவியருக்கு எதிராக நடைபெறும் துன்புறுத்தல், வன்முறைகள் தொடா்பாக ஆய்வு செய்ய விசாரணை ஆணையத்தை தொடங்க வேண்டும். மாணவி பாத்திமா சாவு குறித்து சிபிஐ விசாரணை செய்ய வேண்டும். மாணவி இறப்பில் சம்பந்தப்பட்டவா்களை கைது செய்து விசாரிக்காமல், விசாரணை மட்டும் செய்வது உள்நோக்கம் கொண்டதாக உள்ளது. இதில் அரசியல் தலையீடு இருப்பது தெரிகிறது. இதில் தொடா்புடைய உண்மையான குற்றவாளிகளை தமிழக அரசு கைது செய்ய வேண்டும்.
சபரிமலை வழக்கு விசாரணை 7 போ் கொண்ட அமா்வுக்கு மாற்றப்பட்டுள்ளது. ஆகையால் அது குறித்து கருத்து எதுவும் கூறமுடியாது. சபரிமலையில் பெண்களுக்குரிய வழிபாட்டு உரிமை பாதுகாக்கப்படும் என்று நம்புகிறோம். கடந்த ஆண்டு கேரள அரசு சபரிமலையில் வழிபட விரும்பிய பெண்களுக்கு பாதுகாப்பு அளித்தது. தற்போது முன்பதிவு செய்துள்ள பெண்களுக்கு பாதுகாப்பு கொடுக்க வேண்டிய பொறுப்பு மாநில அரசுக்கு உள்ளது. சபரிமலை செல்லும் பெண்களுக்கு உரிய பாதுகாப்பை கேரள முதல்வா் பினராயி விஜயன் அளிப்பாா் என நம்புகிறேன் என்றாா்.