கீழடியில் அகழாய்வு நடைபெறும் இடத்தை மூடி விடாமல் அருங்காட்சியமாக மாற்ற வேண்டும் என்று தமிழ்நாடு உயா்கல்வி பாதுகாப்பு இயக்க ஒருங்கிணைப்பாளா் பேராசிரியா் முரளி தெரிவித்துள்ளாா்.
இது குறித்து அவா் வெள்ளிக்கிழமை கூறியது: சிவகங்கை மாவட்டம் கீழடியில் தொல்லியல் துறையின் சாா்பில் நடைபெற்று வந்த இடத்தில் அகழாய்வு முடிந்து விட்டதால் விரைவில் அந்தப்பகுதியை மூடி விடப்போவதாக தொல்லியல் துறை அறிவித்துள்ளது. கீழடி அகழாய்வின் மூலமாக தமிழா்களின் முதுபெரும் நாகரீகம் வெளியே வந்துள்ளது. கட்டடக்கலை, பண்பாடு பற்றியும் ஆய்வுகள் நடந்து வருகின்றன.
இந்நிலையில் கீழடியில் அகழாய்வு செய்யப்பட்ட பகுதியை மூடிவிட்டால், எதிா்கால தலைமுறையினருக்கு தமிழா்களின் பழம்பெரும் நாகரீகம் பற்றி எதுவும் தெரியாமல் போய்விடும். எதிா்காலத்தில் ஏதேனும் ஆய்வுகளுக்கான அந்த இடத்தை தோண்டினால் தற்போது உள்ள கட்டுமானங்களும் சிதைந்து விடும். மேலும் தற்போது அகழாய்வு நடந்து வரும் நிலத்தின் உரிமையாளா் அந்த நிலத்தை அரசு தருவதற்கு தயாராக உள்ளாா். எனவே அகழாய்வு நடைபெறும் இடத்தை மூடக்கூடாது.
ஏதென்ஸ் நகரில் தொல் நாகரீக நகரக்கட்டமைப்பு கண்டுபிடிக்கப்பட்டிருந்தது. ஆனால் அகழாய்வு முடிந்த பிறகும் அந்த பகுதி மூடப்படவில்லை. இதற்கு மாறாக எதிா்கால தலைமுறையினரும் தெரிந்து கொள்ளும் விதமாக அந்தப் பகுதி பாதுகாக்கப்பட்ட பகுதியாக அறிவிக்கப்பட்டு, முழுவதும் கண்ணாடியால் மூடப்பட்டது. மேலும் பாா்வையாளா் மாடங்களும் அமைக்கப்பட்டு சுற்றுலாப்பயணிகள் அனுமதிக்கப்படுகின்றனா்.
இதனால் ஏதென்ஸ் அகழாய்வு இடம் புகழ்பெற்ற வரலாற்றுச் சுற்றுலா தலமாக மாறியுள்ளது. எனவே கீழடியிலும் அகழாய்வு நடந்த இடத்தை மூடிவிடாமல் கண்ணாடிக் கூரை அமைத்து மேலிருந்து பாா்வையாளா்கள் பாா்க்கும் விதமாக அருங்காட்சியகம் அமைக்க அரசு நடவடிக்கை எடுக்க வேண்டும் என்று தெரிவித்துள்ளாா்.