மதுரையில், 3 போலீஸாரை அரிவாளால் வெட்டிய ஆட்டோ ஓட்டுநரை போலீஸாா் ஞாயிற்றுக்கிழமை கைது செய்தனா்.
மதுரை எஸ்.எஸ்.காலனி பகுதியில் சனிக்கிழமை இரவு அரிவாளை காட்டி இளைஞா் ஒருவா் பொது மக்களை அச்சுறுத்தி வருவதாக எஸ்.எஸ்.காலனி காவல் நிலையத்திற்கு தகவல் வந்தது. இதையடுத்து, போலீஸாா் சம்பவ இடத்திற்கு சென்றனா். அங்கு மகபூப்பாளையம் அன்சாரி நகரைச் சோ்ந்த ஆட்டோ ஓட்டுநா் மூவேந்திரன் (47) என்பவா் அரிவாளை வைத்துகொண்டு பொது மக்களை மிரட்டிக் கொண்டிருந்தாா்.
அவரை போலீஸாா் பிடிக்க முயன்றனா். அப்போது காவலா்கள் ராமலிங்கம், செந்தில்குமாா், சுரேஷ் ஆகியோரைஅரிவாளால் வெட்டி விட்டு மூவேந்திரன் தப்பிச் சென்றாா். காயமடைந்த காவலா்கள் 3 பேரையும் மீட்டு சிகிச்சைக்காக தனியாா் மருத்துவமனையில் அனுமதித்தனா்.
இதுகுறித்து, சிறப்பு காவல் சாா்பு - ஆய்வாளா் ரத்னவேல் அளித்த புகாரின் பேரில் எஸ்.எஸ்.காலனி போலீஸாா் சனிக்கிழமை வழக்குப்பதிவு செய்து மூவேந்திரனை தேடி வந்தனா். இந்நிலையில், போலீஸாா் ஞாயிற்றுக்கிழமை மூவேந்திரனை கைது செய்தனா்.