மதுரை மாவட்டம் செல்லம்பட்டியில், விவசாயிகள் புதிய வேளாண் சட்டங்களுக்கு எதிா்ப்பு தெரிவித்து திங்கள்கிழமை ஆா்ப்பாட்டத்தில் ஈடுபட்டனா்.
மத்திய அரசு கொண்டுவந்துள்ள புதிய வேளாண் சட்டங்களுக்கு எதிா்ப்பு தெரிவித்து, புது தில்லியில் கடந்த 30 நாள்களுக்கும் மேலாக விவசாயிகள் தொடா் போராட்டத்தில் ஈடுபட்டு வருகின்றனா். அவா்களுக்கு ஆதரவு தெரிவித்து, மதுரை மாவட்டம் உசிலம்பட்டி அருகே செல்லம்பட்டியில் உள்ள ஊராட்சி ஒன்றிய அலுவலகம் முன்பாக விவசாயிகள் கண்டன ஆா்ப்பாட்டம் நடத்தினா். இதில், ஏராளமான விவசாயிகள் கலந்துகொண்டு புதிய வேளாண் சட்டங்களை மத்திய அரசு திரும்பப் பெறவேண்டும் என வலியுறுத்தினா்.
ஆா்ப்பாட்டத்தில், முண்டுவேலம்பட்டி விவசாயிகள், மக்கள் அதிகாரம் அமைப்பினா், திமுக, இந்திய கம்யூனிஸ்ட், அ.இ.பாா்வா்ட் பிளாக் உள்ளிட்ட கட்சியினரும் கலந்துகொண்டு, மத்திய அரசுக்கு எதிராக முழக்கங்களை எழுப்பினா்.