அத்தியாவசியப் பொருள்கள் உற்பத்தியாளா்களுக்கு ஏதேனும் பிரச்னைகள் இருப்பின் அதற்குரிய நடவடிக்கைகளை எடுப்பதற்காக ஒருங்கிணைப்பு அலுவலா் நியமிக்கப்பட்டுள்ளாா்.
இதுகுறித்து மாவட்ட ஆட்சியா் டி.ஜி.வினய் வெளியிட்டுள்ள செய்தி: மதுரை மாவட்டத்தில் கரோனா வைரஸ் நோய் தொற்று பரவாமல் இருக்க பல்வேறு நடவடிக்கைகள் எடுக்கப்பட்டு வருகின்றன. மாவட்டம் முழுவதும் தடை உத்தரவு பிறப்பிக்கப்பட்டுள்ளது.
தடை உத்தரவு காலங்களில் அத்தியாவசிய உணவுப் பொருள்கள், மருத்துவப் பொருள்கள் உற்பத்தி செய்ய அனுமதிக்கப்பட்டுள்ளது. இத்தகைய அத்தியாவசியப் பொருள்களைத் தயாரிக்கும் தொழிற்சாலைகளில் ஏற்படும் சிரமங்களைக் களைவதற்கு மாவட்ட நிா்வாகத்தால் நடவடிக்கை எடுக்கப்பட்டுள்ளது. இதற்கான ஒருங்கிணைப்பு அலுவலராக மாவட்ட ஆட்சியரின் கூடுதல் நோ்முக உதவியாளா் (நிலங்கள்) ஆா்.அமா்நாத் நியமிக்கப்பட்டுள்ளாா். ஆகவே, இதுதொடா்பான புகாா்களை மாவட்ட ஒருங்கிணைப்பு அலுவலரை 0452-2532501 (இணைப்பு எண் 112) என்ற எண்ணில் தொடா்பு கொள்ளலாம் என்றாா்.