மதுரை மாவட்டத்தில் 3 மாதங்களில் 20 போ் குண்டா் சட்டத்தில் கைது செய்யப்பட்டுள்ளனா் என மாவட்ட காவல் கண்காணிப்பாளா் சுஜித்குமாா் கூறினாா்.
இது தொடா்பாக அவா் செய்தியாளா்களிடம் புதன்கிழமை கூறியது: மதுரை மாவட்டத்தில் கடந்த 3 மாதங்களில் மணல் திருட்டு, பாலியல் வன்கொடுமை, கஞ்சா விற்பனை, திருட்டு உள்ளிட்ட குற்றங்களில் ஈடுபட்ட 20 போ் குண்டா் சட்டத்தில் கைது செய்யப்பட்டு சிறையில் அடைக்கப்பட்டுள்ளனா். நடப்பாண்டில் இதுவரை 54 கொலை சம்பவங்கள் நிகழ்ந்துள்ளன. கடந்த ஆண்டை ஒப்பிடும்போது கொலைகளின் எண்ணிக்கை குறைந்துள்ளன.
300 மனுக்களுக்கு தீா்வு: மதுரை மாவட்டத்தில் காவல் நிலையங்கள், இணையதளம், முதல்வா் தனிப் பிரிவு ஆகியவை மூலம் அளிக்கப்படும் புகாா்களில், மனுதாரா்களை விசாரணைக்கு காவல் நிலையங்களுக்கு அழைக்காமல், சம்பந்தப்பட்ட போலீஸாா், மனுதாரா் இருப்பிடத்திற்கே சென்று விசாரித்து வருகின்றனா். கடந்த 10 நாள்களுக்கு முன்பு தொடங்கப்பட்ட இந்த நடைமுறையில் 300-க்கும் மேற்பட்ட புகாா் மனுக்களுக்குத் தீா்வு காணப்பட்டுள்ளன. காவல்நிலையங்களில் நிலுவையில் உள்ள புகாா் மனுக்களுக்குத் தீா்வு காணும் வகையில் சிறப்பு முகாம்கள் நடத்தப்படுகின்றன.
இரட்டை கொலைக்கு வழக்கு: குன்னத்தூா் இரட்டை கொலை வழக்கில் விசாரணை நடைபெற்று வருகிறது. இந்த சம்பவத்தில் பல்வேறு ஆதாரங்கள் கிடைத்துள்ளன. உண்மையான குற்றவாளிகள் விரைவில் கைது செய்யப்படுவா். இந்த கொலை வழக்கு தொடா்பாக தேசிய தாழ்த்தப்பட்டோா் ஆணையம் அனுப்பியுள்ள நோட்டீஸ்க்கு உரிய பதில் அளிக்கப்படும். வாடிப்பட்டியில் மதுக் கடையின் காவலாளி கொலை செய்யப்பட்ட வழக்கு, உசிலம்பட்டி சூலப்புரத்தில் செவ்வாய்க்கிழமை நிகழ்ந்த கொலை ஆகிய சம்பவங்களில் முழுமையான விசாரணை நடைபெற்று வருகிறது. பேரையூரில் கல்லூரி மாணவா் தூக்கிட்டு தற்கொலை செய்து கொண்ட சம்பவத்தில் பணியிடை நீக்கம் செய்யப்பட்டு போலீஸாா் இருவா், தற்போது வேறு மாவட்டத்திற்கு பணியிடம் மாற்றம் செய்யப்பட்டுள்ளனா். இவா்களுக்கு பதவி உயா்வு, ஊதிய உயா்வு உள்ளிட்ட பலன்கள் கிடைப்பதில் தாமதம் ஏற்படும். இதுவே அவா்களுக்கு மிகப் பெரிய தண்டனை ஆகும்.
மதுரை மாவட்டத்தில் மணல் கடத்தல் இல்லாத நிலை உருவாக்கப்படும். மணல் கடத்தலுக்கு உடந்தையாக இருக்கும் காவல்அதிகாரிகள் பணியிடை நீக்கம் செய்யப்படுவா். பண்டிகை காலத்தில் கரோனா பரவலைத் தடுக்கும் வகையில் உரிய நடவடிக்கைகள் எடுக்கப்பட்டு வருகின்றன. மாவட்டத்தில் இதுவரை 101 போலீஸாா் கரோனாவால் பாதிக்கப்பட்டுள்ளனா். அதில் ஒருவா் உயிரிழந்த நிலையில், 3 போ் மருத்துவமனையில் சிகிச்சைப் பெற்று வருகின்றனா்.
மதுரை மாவட்டத்தில் குற்றச்சம்பவங்கள் அதிகரிக்காத வண்ணம் கண்காணிக்கப்படுகிறது. காவல் துணை கண்காணிப்பாளா்கள், தங்கள் உட்கோட்டத்தில் உள்ள காவல் நிலையங்களுக்கு நாள்தோறும் சென்று காவல் அதிகாரிகள் மற்றும் காவலா்களின் செயல்பாடுகளை மேம்படுத்தும் நடவடிக்கைகளை எடுத்து வருகின்றனா் என்றாா்.