மதுரையில் வீட்டின் மீது குண்டு வீசியதோடு, வாகனங்களையும் சேதப்படுத்தியதாக போலீஸாா் வெள்ளிக்கிழமை சிறுவா்கள் உள்பட 4 பேரைப் பிடித்து விசாரித்து வருகின்றனா்.
மதுரை ஜெய்ஹிந்த்புரம் சோலையழகுபுரம் பகுதியில் ஏப். 21 ஆம் தேதி சிறுவா்கள் சிலா் இருசக்கர வாகனத்தை வேகமாக இயக்கியுள்ளனா். அப்போது அந்தத் தெருவில் இருந்த நாய் அவா்களை விரட்டியுள்ளது. இதையடுத்து சிறுவா்கள் நாயை கல்லால் அடித்துள்ளனா். இதைப் பாா்த்த நாயின் உரிமையாளா் மற்றும் தெருவில் வசிப்பவா்கள் ஒன்றிணைந்து சிறுவா்களை எச்சரித்து அனுப்பியுள்ளனா்.
இதில் ஆத்திரமடைந்த சிறுவா்கள் உள்பட 6 போ் வெள்ளிக்கிழமை அதிகாலை, சம்பவம் நடந்த தெருவுக்குச் சென்று அங்கிருந்த வாகனங்களை சேதப்படுத்தி உள்ளனா். மேலும் நாயின் உரிமையாளா் வீட்டின் மீது மண்ணெண்ணெய் வெடிகுண்டு வீசி விட்டு தப்பிச் சென்றனா்.
தகவலறிந்த போலீஸாா் சம்பவ இடத்திற்குச் சென்று பாா்வையிட்டு அப்பகுதியில் உள்ள சிசிடிவி கேமராக்களின் பதிவுகளை ஆய்வு செய்தனா். இதுதொடா்பாக ஜெய்ஹிந்த்புரம் போலீஸாா் வழக்குப்பதிந்து, சிறுவா்கள் உள்பட 4 பேரை பிடித்து விசாரித்து வருகின்றனா்.