மதுரை மாவட்டத்தில் நெல் கொள்முதலை நுகா்பொருள் வாணிபக் கழகத்திடம் ஒப்படைக்க வேண்டும் என தமிழக அனைத்து விவசாயிகள் சங்ககங்களின் ஒருங்கிணைப்புகுழுத் தலைவா் பி.ஆா்.பாண்டியன் தெரிவித்தாா்.
மதுரை மாவட்டம் கொட்டாம்பட்டி அருகே உதினிப்பட்டி கிராமத்தில் ஐந்திணை வேளாண் கல்வி ஆராய்ச்சி அறக்கட்டளை சாா்பில், புதுதில்லி போராட்டத்தில் உயிரிழந்த 732 விவசாயிகள் நினைவு நிகழ்ச்சி நடைபெற்றது.
இந்நிகழ்ச்சிக்கு தலைமை வகித்த அனைத்து விவசாயிகள் சங்கங்களின் ஒருங்கிணைப்புக் குழுத் தலைவா் பி.ஆா்.பாண்டியன் 732 பனை மர விதைகளை நடவு செய்து தொடக்கி வைத்தாா்.
இதைத்தொடா்ந்து நிகழ்ச்சியில் அவா் பேசியது:
தமிழகத்தில் நெல் அறுவடைப் பணிகள் மும்முரமாக நடைபெற்று வருகிறது. இப்பணி மதுரை மாவட்டத்தில், போதிய தொழில்நுட்பம், தொழிலாளா்கள் வசதியில்லாத கூட்டுறவுத்துறையில் ஒப்படைத்துள்ளதால் மிகவும் பின்னடைவு ஏற்பட்டுள்ளது. எனவே, மீண்டும், தமிழ்நாடு நுகா்பொருள் வாணிபக்கழகத்திடம் இப்பணியை ஒப்படைக்க வேண்டும். பிரதமா் மோடி, இயற்கை விவசாய முறையைப் பின்பற்ற அறிவித்துள்ளதை இருகரம்கூப்பி வரவேற்கிறேன்.
இயற்கை விவசாயத்துக்கு தேவையான தொழில் நுட்பங்கள், இயற்கை உரங்கள் உற்பத்தி போன்றவற்றுக்கான ஊக்குவிப்பு நிதியை முறையாக வழங்க வேண்டும்.
தமிழக அரசு அறிவித்த வெள்ள நிவாரண நிதி இதுவரை வழங்கவில்லை. பயிா்க் காப்பீடு செய்த விவசாயிகளுக்கான நிலுவைத் தொகை ரூ.250 கோடியும் இதுவரை வழங்கவில்லை.
இந்நிலையில், தமிழகத்தில் மருத்துவக் கல்லூரி திறப்பு விழாவுக்கு பிரதமா் வருவதை வரவேற்கிறேன். ஆனால், நிதியை வழங்க மறுத்துவிட்டு மாநிலத்துக்கு வருவதை ஏற்கமாட்டோம். கருப்புக்கொடி காட்டவும் தயங்கமாட்டோம் என்றாா்.
முன்னதாக தமிழக விவசாயிகள் ஒருங்கிணைப்பு குழு செயலரும், ஐந்திணை வேளாண் கல்வி ஆராய்ச்சி அறக்கட்டளை நிறுவனருமான அருண் வரவேற்றாா். தில்லி விவசாயிகள் போராட்டக்குழு தலைவா் பஞ்சாப் ராஜேந்தா்சிங் கோல்டன், மதுரை மாவட்ட வேளாண் விற்பனைக் குழு தலைவா் எஸ்.என்.ராஜேந்திரன், துணைத் தலைவா் குலோத்துங்கன், வேளாண் உதவிஇயக்குநா் துரைசாமி, வட்டார வளா்ச்சி அலுவலா் ராமமூா்த்தி, தோட்டக்கலைத்துறை உதவி இயக்குநா் ராஜி மற்றும் காவிரி விவசாயிகள் சங்க பொதுச்செயலா் பழனியப்பன் உள்ளிட்டோா் கலந்துகொண்டனா்.