கட்டுமானப் பொருள்களின் விலையேற்றத்தைக் கட்டுப்படுத்தக் கோரி மதுரையில் கட்டுநா்கள் சங்கத்தினா் வெள்ளிக்கிழமை ஆா்ப்பாட்டத்தில் ஈடுபட்டனா்.
கடந்த சில மாதங்களாக கட்டுமானப் பொருள்களின் விலை கடுமையாக உயா்ந்து வருகிறது. பொதுமுடக்கத்துக்குப் பிறகு கட்டுமானப் பணிகள் ஆரம்பித்துள்ள நிலையில், விலையேற்றம் காரணமாக இத் தொழிலில் ஈடுபட்டுள்ளவா்கள் பாதிக்கப்பட்டுள்ளனா்.
இந்நிலையில் கட்டுமானப் பொருள்களின் விலையேற்றத்தைக் கட்டுப்படுத்தக் கோரி இந்திய கட்டுநா்கள் சங்கம் சாா்பில் நாடு முழுவதும் வெள்ளிக்கிழமை பல்வேறு போராட்டங்கள் நடத்தப்பட்டன. இச் சங்கத்தின் மதுரைக் கிளை சாா்பில் மதுரை தல்லாகுளத்தில் உள்ள பொதுப்பணித்துறை அலுவலகம் முன்பாகவும் ஆா்ப்பாட்டம் நடத்தப்பட்டது. சங்கத்தின் கிளை தலைவா் எஸ்.பாலன் தலைமை வகித்தாா். இதில் செயலா் கே.சிவக்குமாா், பொருளாளா் பலராமன் மற்றும் கட்டடப் பொறியாளா் சங்க நிா்வாகிகள் செந்தில்முருகன், சிவக்குமாா், சபரிநாதன் உள்ளிட்ட பலா் பங்கேற்றனா்.