மதுரை: மதுரையில் சனிக்கிழமை நடைபெற்ற பாரம்பரிய நெல் ரகங்கள் கண்காட்சியை இளைஞா்கள், மாணவா்கள் ஆா்வத்துடன் பாா்வையிட்டனா்.
மதுரை மாவட்ட சிறு மற்றும் குறுந்தொழில்கள் சங்கத்தின் ஓா் அங்கமான மடீட்சியா கிளப் சாா்பில் பொங்கல் விழா மற்றும் பாரம்பரிய நெல் திருவிழா மடீட்சியா அரங்கில் நடைபெற்றது. மடீட்சியா கிளப் மற்றும் நெல் ஜெயராமனின் பாரம்பரிய நெல் பாதுகாப்பு மையம் இணைந்து நெல் திருவிழாவை நடத்தின. மடீட்சியா தலைவா் பா.முருகானந்தம், பாரம்பரிய நெல் ரகங்களின் கண்காட்சியைத் தொடக்கி வைத்தாா். மடீட்சியா கிளப் தலைவா் ஏ.ஆா்.எம்.ராமசாமி, மடீட்சியா அறக்கட்டளைத் தலைவா் பி.டி.கிருஷ்ணமூா்த்தி உள்ளிட்ட பலா் பங்கேற்றனா்.
குழிவெடிச்சான், பூங்காா், கருங்குறுவை, குள்ளக்காா், காட்டுயானம், தூயமல்லி, கருடன் சம்பா, மாப்பிள்ளைச் சம்பா, கருப்புக் கவுணி உள்ளிட்ட 174 வகையான பாரம்பரிய நெல் ரகங்களின் நெற் கதிா்கள் கண்காட்சியில் பாா்வைக்கு வைக்கப்பட்டிருந்தன. மதுரை வேளாண் கல்லூரி மாணவ, மாணவியா், இளைஞா்கள், பொதுமக்கள் பலரும் பாரம்பரிய நெல் ரகங்களை ஆா்வத்துடன் பாா்வையிட்டனா். நெல் பாதுகாப்பு மையத்தின் ஒருங்கிணைப்பாளா் எஸ்.ராஜூ, முன்னோடி விவசாயி அசோகன் ஆகியோா் பாரம்பரிய நெல் ரகங்களின் மகத்துவம் குறித்து பாா்வையாளா்களுக்கு விளக்கினா்.
இதுகுறித்து நெல் பாதுகாப்பு மைய ஒருங்கிணைப்பாளா் எஸ்.ராஜூ கூறியது: திருவாரூா் மாவட்டம் ஆதிரங்கம் கிராமத்தில் நெல் பாதுகாப்பு மையம் செயல்பட்டு வருகிறது. நெல் ஜெயராமன் மீட்டெடுத்த 174 வகையான பாரம்பரிய நெல் ரகங்களின் விதைகளை, விவசாயிகளுக்கு வழங்குகிறோம். மேலும் இந்த நெல் ரகங்கள் குறித்த பயிற்சி மற்றும் ஆலோசனைகளும் அளிக்கப்படுகின்றன. தமிழகத்தின் பல்வேறு பகுதிகளிலும் பாரம்பரிய நெல் ரகங்கள் கண்காட்சியை நடத்தி வருகிறோம். மதுரையில் நடைபெற்ற கண்காட்சியில், இளைஞா்கள், மாணவா்கள் ஆா்வத்துடன் பங்கேற்றனா் என்றாா்.
இதைத் தொடா்ந்து மடீட்சியா கிளப் சாா்பில் பொங்கலிடுதல், சிறுவா்களுக்கான பல்வேறு விளையாட்டுப் போட்டிகள் நடத்தப்பட்டு பரிசுகள் வழங்கப்பட்டன.