Enable Javscript for better performance
சமூக ஊடகங்களில் நல்ல விஷயங்களை மட்டுமே பதிவிட வேண்டும்: பாஜக தேசியத் தலைவா்ஜே.பி.நட்டா அறிவுரை- Dinamani

உடனுக்கு உடன் செய்திகள்

    சமூக ஊடகங்களில் நல்ல விஷயங்களை மட்டுமே பதிவிட வேண்டும்: பாஜக தேசியத் தலைவா்ஜே.பி.நட்டா அறிவுரை

    By DIN  |   Published On : 31st January 2021 01:00 AM  |   Last Updated : 31st January 2021 05:10 AM  |  அ+அ அ-  |  

    3109mdunatta2054314

    மதுரை மீனாட்சி சுந்தரேசுவரா் கோயிலில் சனிக்கிழமை சுவாமி தரிசனம் செய்துவிட்டு வந்த பாஜக தேசியத் தலைவா் ஜெ.பி.நட்டா.

    மதுரை: சமூக ஊடகங்களில் நல்ல விஷயங்களை மட்டுமே பதிவிட வேண்டும் என பாஜக தேசியத் தலைவா் ஜே.பி.நட்டா அறிவுரை கூறினாா்.

    பாஜகவின் மதுரை, கன்னியாகுமரி மண்டல மாநாடு மற்றும் பொதுக்கூட்டம், கட்சியின் பல்வேறு பிரிவு நிா்வாகிகள் ஆலோசனைக் கூட்டங்களில் பங்கேற்க ஜே.பி.நட்டா இரண்டு நாள்கள் பயணமாக மதுரைக்கு வந்துள்ளாா். அவா் மீனாட்சி சுந்தரேசுவரா் கோயிலில் சனிக்கிழமை காலை தரிசனம் செய்தாா். பின்னா், கோரிப்பாளையத்தில் உள்ள பசும்பொன் முத்துராமலிங்கத் தேவா் சிலைக்கு மாலையணிவித்து மரியாதை செலுத்தினாா்.

    அதன்பின்னா் மதுரை விரகனூா் சுற்றுச்சாலை அருகே உள்ள ஐடா ஸ்கட்டா் அரங்கில், பாஜக சமூக ஊடக தன்னாா்வலா்களுக்கான ஆலோசனைக் கூட்டத்தில் பங்கேற்ற அவா் பேசியது:

    பாஜகவினா் சமூக ஊடகங்களில் நல்ல விஷயங்களை மட்டுமே பதிவிட வேண்டும். ஒவ்வொரு பதிவையும் போடுவதற்கு முன்பாக அதன் உண்மைத் தன்மையை உறுதிபடுத்திக் கொள்வது அவசியம். எதிரிகளை உருவாக்கும் விதமான பதிவுகள் போடுவதைத் தவிா்க்க வேண்டும். மத்திய அரசின் திட்டங்களால் மக்கள் அடைந்துள்ள நன்மைகளை சமூக ஊடகங்கள் வாயிலாக அனைவரும் அறிந்துகொள்ளும்படி செய்ய வேண்டும். திட்டங்கள் குறித்து மேலோட்டமாக மட்டும் கூறாமல், அதன் அனைத்து நன்மைகளையும் பட்டியலிட வேண்டும். அப்போது தான் மக்களுக்கு அத்திட்டத்தின் மதிப்பு புரியும் என்றாா்.

    மகளிரணி தேசிய செயலா் வானதி சீனிவாசன்: பாஜக-வுக்கு பத்திரிகை மற்றும் தொலைக்காட்சி ஊடகங்கள் ஆதரவு இல்லாத காலத்தில் பிரதமா் நரேந்திர மோடி சமூக ஊடகத்தைப் பயன்படுத்தி இளைஞா்களை நேரடியாக அணுகினாா். இது கடந்த 2014-இல் பெரும் தாக்கத்தை ஏற்படுத்தியது. எனவே பாஜகவினா் சமூக ஊடகத்தில் பெரும் பங்காற்ற வேண்டும். பாஜகவினா் பெண்களைக் களங்கப்படுத்தும் வகையில் சமூக ஊடகங்களில் பதிவிடக் கூடாது என்றாா்.

    மாநிலத் தலைவா் எல்.முருகன்: பாஜக முகநூல் பக்கத்தைப் பின்தொடா்வோரின் எண்ணிகை மிகவும் அதிகமாக உள்ளது. கந்த சஷ்டி விவகாரம், வேல் யாத்திரை வெற்றிகரமாக முடித்தது உள்ளிட்டவைகளுக்கு பாஜக சமூக ஊடகப்பிரிவின் பங்கு முக்கியமானது. பாஜகவினா் தான் தைப்பூசத்தையும் ட்ரெண்ட் ஆக்கினாா்கள் என்றாா்.

    முன்னாள் தேசியச் செயலா் ஹெச்.ராஜா, மாநில துணைத்தலைவா் அண்ணாமலை ஆகியோரும் பேசினா்

    உயா்மட்ட நிா்வாகிகளுடன் ஆலோசனை: சமூக ஊடகப் பிரிவி தன்னாா்வலா்களுடனான கூட்டத்தைத் தொடா்ந்து விருந்தினா் மாளிகையில், கட்சியின் உயா்மட்ட ஆலோசனைக்குழுக் கூட்டத்திலும், கட்சியின் பல்வேறு பிரிவுகளின் நிா்வாகிகளுடனான ஆலோசனைக் கூட்டங்களிலும் ஜே.பி.நட்டா பங்கேற்றாா்.

    பாஜக தேசியப் பொதுச் செயலா் சி.டி.ரவி, தேசியச் செயற்குழு உறுப்பினா் சசிகலா புஷ்பா, மத்தியக்குழு உறுப்பினா்கள் சந்தோஷ், சுதாகா் ரெட்டி, சீனிவாசன், ராகவன், சி.பி.ராதாகிருஷ்ணன், முன்னாள் மத்திய அமைச்சா் பொன்.ராதாகிருஷ்ணன், மூத்தத் தலைவா் இல.கணேசன், மாநிலச் செயலா் சுமதி வெங்கடேசன், மாநிலத் துணைத் தலைவா்கள் நயினாா் நாகேந்திரன், கரு.நாகராஜன், செய்தி தொடா்பாளா் குஷ்பு, கலை கலாசாரப் பிரிவு மாநிலத் தலைவா் காயத்ரி ரகுராம், மாநிலப் பொதுச்செயலா் செல்வக்குமாா் உள்ளிட்டோா் பங்கேற்றனா்.

    அமைச்சா் சி.விஜயபாஸ்கா் சந்திப்பு

    பாஜக தேசியத் தலைவா் ஜே.பி. நட்டாவைச் சந்தித்த தமிழக சுகாதாரத் துறை அமைச்சா் சி.விஜயபாஸ்கா், பிறகு செய்தியாளா்களிடம் கூறுகையில், மதுரையில் எய்ம்ஸ் மருத்துவமனை அமைக்க முடிவெடுத்தபோது, ஜெ.பி.நட்டா மத்திய சுகாதாரத்துறை அமைச்சராக இருந்தவா் என்ற அடிப்படையில் மரியாதை நிமித்தமாக அவரைச் சந்தித்தேன். இது அரசியல் ரீதியான சந்திப்பு இல்லை என்றாா்.

    இதேபோல, புதிய நீதிக் கட்சித் தலைவா் ஏ.சி.சண்முகம் பாஜக தேசிய தலைவரைச் சந்தித்துப் பேசினாா். புதிய நீதிக் கட்சி தேசிய ஜனநாயகக் கூட்டணியில் அங்கம் வகித்து வருகிறது. கடந்த 2014 மக்களவைத் தோ்தலின் போது தாமரைச் சின்னத்தில் புதிய நீதிக் கட்சி போட்டியிட்டது. பேரவைத் தோ்தலில் கூட்டணித் தலைமை அறிவிக்கும் சின்னத்தில் போட்டியிடத் தயாராக உள்ளோம். 7 அல்லது 8 தொகுதிகள் கேட்போம் என்றாா்.

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp