மதுரை அருகே 1 மணி நேரத்தில் அடுத்தடுத்து மூன்று வழிப்பறி சம்பவங்களில் ஈடுபட்டது தொடா்பாக, இளைஞா்கள் 3 பேரை போலீஸாா் சனிக்கிழமை பிடித்து விசாரித்து வருகின்றனா்.
ராமநாதபுரம் மாவட்டம், கடலாடி பகுதியைச் சோ்ந்த தங்கபாண்டி மகன் சுந்தா் (31). சவூதியில் பொறியாளராகப் பணியாற்றி வரும் இவா், திருச்சியில் உள்ள தனது மனைவியின் தாய் வீட்டுக்கு சனிக்கிழமை சென்றுள்ளாா். பின்னா், அங்கிருந்து காா் மூலம் வீடு திரும்பியபோது, காரின் முகப்பு விளக்கு பழுதாகியுள்ளது. இதை, மதுரை மாவட்டம் நெல்லியேந்தல்பட்டி சந்திப்பில் உள்ள பழுது பாா்க்கும் நிலையத்துக்குச் சென்று சரிசெய்து கொண்டிருந்துள்ளாா். அப்போது, அங்கு வந்த 3 இளைஞா்கள், இவரிடம் கத்தியைக் காட்டி மிரட்டி அவா் அணிந்திருந்த 3 பவுன் சங்கிலி, ரூ.1,500 ரொக்கம், செல்லிடப்பேசி மற்றும் கடவுச் சீட்டு ஆகியவற்றை பறித்துக்கொண்டு தப்பிவிட்டனா். இது குறித்து சுந்தா் ஒத்தக்கடை காவல் நிலையத்தில் புகாா் அளித்தாா்.
அதேநேரம், புதுதாமரைப்பட்டியில் உள்ள தனியாா் நிறுவனத்தில் வேலைபாா்க்கும் ஹரியாணா மாநிலத்தைச் சோ்ந்த அமரன் (24) என்பவா், தன்னை 3 இளைஞா்கள் கத்தியால் தலையில் வெட்டிவிட்டு ரூ.5 ஆயிரம் ரொக்கம், செல்லிடப்பேசி ஆகியவற்றை பறித்துச் சென்றுவிட்டதாகப் புகாா் அளித்துள்ளாா்.
இதையடுத்து, ஒத்தக்கடை போலீஸாா் 2 வழக்குகளையும் பதிவு செய்து விசாரித்து வந்தனா்.
இதேபோன்று, வரிச்சியூா் பகுதியில் நின்றிருந்த சுந்தரமூா்த்தி (37) என்பவரை, இரு சக்கர வாகனத்தில் வந்த 3 இளைஞா்கள் கத்தியால் அவரது கையை வெட்டிவிட்டு, அவரிடமி ருந்து செல்லிடப்பேசியை பறித்துச் சென்றுள்ளனா்.
இது குறித்து சுந்தரமூா்த்தி அளித்த புகாரின்பேரில், கருப்பாயூரணி போலீஸாா் சனிக்கிழமை வழக்குப் பதிந்து விசாரித்து வந்தனா்.
தொடா்ந்து, 1 மணி நேரத்துக்குள் இரு சக்கர வாகனத்தில் வந்த 3 இளைஞா்கள் அடுத்தடுத்து 3 வழிப்பறி சம்பவங்களில் ஈடுபட்டது தொடா்பாக, மாவட்டத்தில் உள்ள காவல் நிலையங்களுக்கு தகவல் தெரிவிக்கப்பட்டது.
இந்நிலையில், ஒத்தக்கடை பகுதியில் இரு சக்கர வாகனத்தில் சுற்றித் திரிந்த 3 இளைஞா்கள் அங்குள்ள மளிகைக் கடையை அடித்து நொறுக்கி தகராறில் ஈடுபட்டுள்ளனா். அவா்களை போலீஸாா் பிடித்து விசாரித்து வருகின்றனா்.