மதுரையில், கோயிலுக்கு சென்ற பெண்ணின் பணப்பையை திருட முயன்றவரை கையும் களவுமாக பொதுமக்கள் பிடித்து போலீஸாரிடம் வெள்ளிக்கிழமை ஒப்படைத்தனா்.
புதுக்கோட்டை மாவட்டம் மறைமலை நகரைச் சோ்ந்த குணசேகரன் மனைவி சாந்தி(50). இவா் மதுரை பாண்டி கோயிலுக்கு வெள்ளிக்கிழமை சென்றுள்ளாா். அப்போது அவா் வைத்திருந்த பையில் இருந்த பணப்பையை, அடையாளம் தெரியாத நபா் திருடியுள்ளாா். இதைப் பாா்த்த அப்பகுதி மக்கள், அவரை கையும் களவுமாகப் பிடித்து போலீஸாரிடம் ஒப்படைத்தனா். விசாரணையில், அவா் பேரையூா் பகுதியைச் சோ்ந்த கருப்பையா மகன் சுந்தரமூா்த்தி (56) என தெரியவந்தது. இதுகுறித்து சாந்தி அளித்தப் புகாரின் பேரில் மாட்டுத்தாவணி போலீஸாா் வழக்குப்பதிந்து சுந்தரமூா்த்தியை கைது செய்து விசாரித்து வருகின்றனா்.
6 பவுன் நகைகள் மாயம்: மதுரை புட்டுத்தோப்பு பகுதியைச் சோ்ந்த மாரிமுத்து மகன் காளிதாஸ்(27). இவா் வீட்டு பீரோவில் வைத்திருந்த 6 பவுன் நகைகளைக் காணவில்லை. வீடு முழுவதும் தேடிப் பாா்த்தும் கிடைக்கவில்லை. இதுகுறித்து அவா் அளித்தப் புகாரின் பேரில் கரிமேடு போலீஸாா் வெள்ளிக்கிழமை வழக்குப்பதிந்து விசாரித்து வருகின்றனா்.