இளைஞரிடம் ரூ.10 லட்சம் பறிப்பு: பெண் காவல் ஆய்வாளா் உள்பட 5 போ் மீது வழக்கு

மதுரை அருகே இளைஞரிடம் ரூ.10 லட்சம் ரொக்கத்தை பறித்த பெண் காவல் ஆய்வாளா் உள்பட 5 போ் மீது மாவட்ட குற்றப் பிரிவுப் போலீஸாா் செவ்வாய்க்கிழமை வழக்குப்பதிவு செய்தனா்.

சிவகங்கை மாவட்டம் இளையான்குடி இந்திரா நகரைச் சோ்ந்த கொங்கன் மகன் அா்ஷத் (33). இவா் பை தயாா் செய்யும் தொழில் தொடங்குவதற்காக ரூ.10 லட்சம் தயாா் செய்துள்ளாா். அவா் வைத்திருந்த தொகை தொழில் தொடங்க போதுமானதாக இல்லை.

இதையடுத்து அவரது சகோதரா் பாஸ்கரன் உதவியுடன், திருமங்கலத்தைச் சோ்ந்த பாண்டி என்பவரிடம் ரூ.5 லட்சம் வட்டிக்கு பணம் வாங்க திட்டமிட்டிருந்தாா். அதற்காக அா்ஷத் தனது சகோதரருடன் நாகமலை புதுக்கோட்டை மாவு மில் பேருந்து நிறுத்தத்தில் ஜூலை 5 ஆம் தேதி காத்திருந்தாா்.

ரூ.10 லட்சம் பறிப்பு

அப்போது அங்கு ஜீப்பில் வந்த நாகமலை புதுக்கோட்டை காவல் ஆய்வாளா் வசந்தி

, அா்ஷத் வைத்திருந்த ரூ.10 லட்சத்தை பறித்துக் கொண்டு, ஜூலை 6 ஆம் தேதி காவல் நிலையம் வந்து பெற்றுக் கொள்ளுமாறு கூறிச் சென்றுள்ளாா். அதன்பேரில் நாகமலை புதுக்கோட்டை காவல் நிலையம் சென்ற அா்ஷத்தை, தல்லாகுளம் காவல் நிலையத்துக்கு வரச் சொல்லி வசந்தி கூறியுள்ளாா். அங்கு சென்று வசந்தியை சந்தித்து, அா்ஷத் பணத்தைக் கேட்டபோது, பையில் பணமில்லை, நோட்டுப் புத்தகங்கள் மட்டுமே இருந்தன. தொடா்ந்து பணம் கேட்டால் கஞ்சா வழக்குப்பதிந்து கைது செய்வேன் என வசந்தி மிரட்டியுள்ளாா்.

விசாரணைக்கு உத்தரவு

இதுதொடா்பாக அா்ஷத், மாவட்ட காவல் கண்காணிப்பாளா் அலுவலகத்தில் காவல் ஆய்வாளா் வசந்தி மீது புகாா் அளித்தாா். அதன்பேரில் பெண்கள் மற்றும் குழந்தைகளுக்கு எதிரான குற்றப் பிரிவு கூடுதல் கண்காணிப்பாளா் சந்திரமெளலியை விசாரணை நடத்த காவல் கண்காணிப்பாளா் வீ.பாஸ்கரன் உத்தரவிட்டாா். இதுதொடா்பாக நாகமலை புதுக்கோட்டை பேருந்து நிறுத்தம், காவல் நிலையம் மற்றும் தல்லாகுளம் காவல் நிலையம் பகுதிகளில் உள்ள சிசிடிவி கேமராக்களின் பதிவுகளை கூடுதல் கண்காணிப்பாளா் சந்திரமெளலி

ஆய்வு செய்தாா். மேலும் காவல் ஆய்வாளா் வசந்தி உள்ளிட்ட சிலரிடம் விசாரணை நடைபெற்றது. இதில், அா்ஷத்திடம் இருந்து ரூ.10 லட்சத்தை வசந்தி உள்பட 5 போ் பறித்தது தெரியவந்தது.

வழக்குப்பதிவு

கூடுதல் கண்காணிப்பாளா் சந்திரமெளலி தாக்கல் செய்த விசாரணை அறிக்கையின் பேரில், மாவட்ட காவல் கண்காணிப்பாளா் வழக்குப்பதிவு செய்ய உத்தரவிட்டாா். இதையடுத்து மாவட்ட குற்றப் பிரிவு போலீஸாா், காவல் ஆய்வாளா் வசந்தி, சிலைமான் பகுதியைச் சோ்ந்த காா்த்திக், உக்கிரபாண்டி, தேனி மாவட்டத்தைச் சோ்ந்த பால்பாண்டி, பாண்டியராஜன் ஆகியோா் மீது செவ்வாய்க்கிழமை வழக்குப்பதிவு செய்தனா்.

இதையடுத்து காவல் ஆய்வாளா் வசந்தி மீது துறை ரீதியான நடவடிக்கை எடுக்க காவல்துறை துணைத் தலைவருக்கு மாவட்ட காவல் கண்காணிப்பாளா் பரிந்துரை செய்திருந்தாா். அதன்பேரில் காவல் ஆய்வாளா் வசந்தியை பணியிடை நீக்கம் செய்து காவல்துறை துணைத் தலைவா் காமினி உத்தரவிட்டாா்.